日攝夜拍實測:Lenovo K8 Note、小米 A1 續航比拼!

YKer 2018-01-26 21:02 | Lenovo
早幾日見到版主坤哥黎個開箱,試玩 Lenovo K8 Note 呢部二千蚊有找的「真三卡」機,實在羨慕死人。 皆因呢次 K8 Note 大變身,提走 Lenovo 自家系統,改用「Moto 式 Stock ROM」,絕對加分加爆燈! 本 YK 手上近期以小米 A1 作為副機,號稱本港 Android One 第一機,但試用 K8 Note 多日後令我有種「回頭唔岸」的念頭。 箱我就唔再開,直接為大家送上相機與續航力測試結果! 究竟 Lenovo K8 Note 對戰小米 A1,能否取而代之成為本人第二任副機呢? 評測 GO!

FB.jpg

效能實測 K8 Note 全勝?
本人事先強烈建議各位網友先閱讀坤哥開箱文,亦到 ePriceHK 資料庫稍微了解一下 Lenovo K8 Note小米 A1 的規格資料。小米 A1 採用出場率極高的 8 核心 Qualcomm S625 處理器,配合 4GB RAM + 64GB ROM;K8 Note 則採用發哥 10 核心 MTK X23 處理器,同樣配合 4GB RAM + 64GB ROM。究竟兩部機執行處理性能、圖像處理效能誰技高一籌呢?

Screenshot_20180123-214634.png
▲ 小米 A1 安兔兔跑分獲得 63746 分;

Screenshot_20180111-153324.png
▲ 而 K8 Note 得分 89192分,在任何一個細分都正常地贏小米 A1,畢竟 MTK X23 額外多出力 8 顆 A53 + 2 顆 A72 高效核心,而 S625 只是 8 核 A53。

Screenshot_20180122-092954.png Screenshot_20180120-054744.png
▲ Geekbench 測試的單核心及多核心測試結果亦證實 K8 Note 擁有絕對效能優勢。 


圖像處理是 MTK 處理器弱點?
眾所周知,啊唔係,係好多人都以為發哥處理器的 GPU 性能一般都比高通弱,久而久之就形成「MTK GPU 差過 Qualcomm」呢個論述。但客觀講,實際上都要睇邊粒打邊粒嘅~

Screenshot_20180123-213151.png
▲ 小米 A1 內建的 Adreno 506 肯肯定打唔到大 Game,實際體驗中普通上網夠用,食多少少 GPU 都開始有心無力。 

Screenshot_20180123-190246.png
▲ K8 Note 內建 Mali T880 MP4, 性能差少少就達到 60fps 標準,大部分主流遊戲都玩得起。


高通 S625 續航力有優勢?
高通 S625 近年大受歡迎,皆因其省電能力震驚 13 億人,一般廠商用在中低階定位的手機,再配合 3000mAh 電池,一日之內七擒七縱,啊唔係,係七進七出後仍然夠電翻屋企。小米 A1 內建 3080mAh 電量,而 K8 Note 內建 4000mAh。根據「多電就多續航力」的普世觀念,應該是 K8 Note 完勝。

Screenshot_20180122-070043.png
▲ 小米 A1 跑了 3 小時的 Geekbench 電力預測,得分 3698 分。(WiFi 是事後打開)

Screenshot_20180119-055233.png
▲ 而 K8 Note 在同樣的測試下,得分只有 3305 分。竟然低分過小米 ? !

Screenshot_20180120-053358.png Screenshot_20180120-053407.png
▲ 本 YK 再用 K8 Note 做一次馬拉松測試,得分依然只有 3440 分,歷時 8 小時。

令人費解的是,我分別用 K8 Note 及 小米 A1,進行多天的實際續航體驗,也就是按正常生活規律如常使用手機。分四日測試,從早上 9 時出門玩樂,一直到晚上 9 時歸家;觀察結果:小米 A1 剩餘電量約 40-45%,K8 Note 剩餘 50-60%。後來發現,Geekbench 續航測試有一個盲點,小米 A1 與 K8 Note 皆使用 80% Workload 作為消耗電力指標,額外擁有兩個高效能 A72 核心的 MTK X23,啟動後就會耗電更快。

這也說明了為何 4000mAh 電量的 K8 Note 會在 Geekbench 測試中擁有相若、甚至更低的分數。而因為本 YK 唔打機,所以難以長時間啟動 A72 大食核心,故在實際體驗中 K8 Note 卻擁有稍長的續航力。


K8 Note 攝影贏得了?
呢期唔知做乜又流行翻雙鏡頭,連入門級手機如今次兩位主角都有。個人認為雙鏡頭玩淺景深之類純屬於花巧設計,本人使用率唔高,寧願要色準對焦快! 到底實拍中,K8 Note 對戰小米 A1 鹿死誰手呢?左邊(上方) K8 Note;右邊(下方) 小米 A1。

IMG_20180124_151935751.jpg IMG_20180124_174945.jpg
▲ 對焦花蕊,小米 A1 點擊對焦後會變成點測光,導致畫面變暗,線條細膩度也不如 K8 Note,但兩者整體畫質差距不大。

IMG_20180121_113517917.jpg IMG_20180121_140505.jpg
▲ 雖然說是下午的陽光,K8 Note 能準確還原現場色溫,而小米 A1 整體偏黃,但兩者線條清晰度難高下。

IMG_20180124_160206734.jpg IMG_20180124_183213.jpg
▲ 再次曝露小米 A1 強制點測光的缺點,K8 Note 能正常地展示入夜天空泛紫的色調。

IMG_20180124_162422333.jpg IMG_20180124_185459.jpg
▲ 網友可放大「裕華國貨」,小米 A1 在雜訊處理上比 K8 Note 來得平滑,線條亦更為清晰。

IMG_20180121_124512562.jpg IMG_20180121_151512.jpg
▲ 這是前鏡頭拍攝對比:K8 Note 前鏡頭廣角幅度比小米 A1 高,同一個位置可以攝入更多東西,這對團體自拍和手短的人(如本人)有莫大的幫助。

IMG_20180124_163153783_STEREO.jpg IMG_20180124_190208.jpg
▲ 暫且不談小米 A1 錯色溫,我要指出另一個關於雙鏡頭的問題:站在同一個位置,小米 A1 與 K8 Note 的觀景構圖完全不同,持有小米 A1 的你,需要「退多幾步海闊天空」才能拍出同等的廣角的構圖。

IMG_20180124_190215.jpg
▲ 我實測中要後退兩大步,小米 A1 才能有正常視角闊度的構圖,SOSAD~

IMG_20180121_121934922_STEREO.jpg
▲ K8 Note 雙鏡頭效果肯定唔好,哪怕好似 iPhone X 咁,始終都係唔自然,認真當淺景深你就輸了,但如果當玩具又幾唔錯。

IMG_20180121_143001.jpg
▲ K8 Note 其中一個效果係利用景深做去除背景、修改顏色等,一鍵自動搞掂幾好玩。


總結:究竟選擇邊部好?
K8 Note 優勢:真三卡、運作性能高、相機色更準、實測續航力稍勝、正宗三天王(返回鍵在左方)、有 FM 收音機、有杜比音效加持、獨立多功能按鍵,高像素自拍 + 補光燈;

小米 A1 優勢:Google Android One 支持(已上 8.0)、三天王有背燈、機背無縫設計、價錢平少許、Type-C 接口;

兩部都唔要:無 NFC、無八達通、無得換電、無防水。。。

27295013_10155711680034220_1051827255_n.jpg
▲ K8 Note 與 小米 A1 同樣後置指紋 + 雙鏡頭設計。

各位網友可以一齊留言討論下,如果二選一你會選擇邊部?如果 2 部都唔選,我要唔貴過呢兩部,市面上仲有乜更好的選擇呢?
 

相關產品 (2)

相關報導 (4)

日攝夜拍實測:Lenovo K8 Note、小米 A1 續航比拼

日攝夜拍實測:Lenovo K8 Note、小米 A1 續航比拼

早幾日見到版主坤哥黎個開箱,試玩LenovoK8Note呢部二千蚊有找的「真三卡」機,實在羨慕死人。皆因呢次K8Note大變身,提走Lenovo自家系統,改用「Moto式StockROM」,絕對加分加爆燈!本YK手上近期以小米A1作為副機,號稱本港AndroidOne第一機,但試用K8Note多日後令我有種「回頭唔岸」的念頭。箱我就唔再開,直接為大家送上相機與續航力測試結果!究竟LenovoK8Note對戰小米A1,能否取而代之成為本人第二任副

YKer | 2018-02-03
無限量!三星 S8 限時劈價千一!無邊框 S630 千元手機,再破新低價!

無限量!三星 S8 限時劈價千一!無邊框 S630 千元手機,再破新低價!

記得早前版主經過旺角西洋菜街一間SmarTone門市,突然見到U11有個比大舖還要抵嘅價錢,果陣大舖仲未落到$4598,即使是口價都還是$4698,但呢間SmarTone門市已將U11減至$4298,而且仲講明如果無貨買唔到,可以落訂用相同價錢留機。那個時候版主都唔係好唯意,以為間間SmarTone都有呢個優惠。點知過兩日之後,已經唔再見有擺U11出來,而最近在另一家SmarTone分店中,卻又出現其他手機的優惠,當中三星S8劈價千一,而無邊框S630千元手機,亦

左定坤 (Cho Ting Kwan) | 2018-01-27
原生系統「真三卡」!二千唔駛 5.5 吋有大電 聯想 K8 Note 評測

原生系統「真三卡」!二千唔駛 5.5 吋有大電 聯想 K8 Note 評測

從來說到高性價比,不少網友都只會想到小米,而咁多部小米手機之中,版主成日都話,最值得買的只有一部,就是同Google合作推出的AndroidOne手機-小米A1,千幾蚊有原生Android體驗,仲要有S625慳電U,不過衰就衰在只有3080mAh電,未必足夠網友使用,同埋係用三選二弧寒卡槽。不過,Lenovo近期會推出一部二千有找抵玩手機K8Note,改用了原生系統,而且仲要有真三卡。版主就在正式開賣之前,借得了這部K8Note,就讓版主搶先同大家做個簡單的開箱評測

左定坤 (Cho Ting Kwan) | 2018-01-11
千元新機有真三卡 + 原生系統!聯想 K8 Note 香港價,好吸引?

千元新機有真三卡 + 原生系統!聯想 K8 Note 香港價,好吸引?

說句真心話,版主兩年前初入ePrice的時候,其實是有少許看不起千元手機,覺得這些所謂千元手機,無論在效能、儲存容量等各方面都相當差勁,好難稱得上夠用。沒辦法,那時的千元手機,十有八九都是只有2GB/16GB,比較好的則有32GB,但對於版主來說,還是不夠看。不過,這兩年手機進步得很快,即使是千幾蚊的手機,都已經愈來愈好,只要不要求用來打機,基本上已經非常好用,就好像小米A1、MotoG5Plus。而去年八月Lenovo發表的原生系統手機-K8Note,亦將會在近期推出,而版主

左定坤 (Cho Ting Kwan) | 2018-01-05

最新新聞