百元手機紅米 6 抵港!S845 旗艦小米 8 同步現身,賣價搶先睇!

左定坤 (Cho Ting Kwan) 2018-06-26 11:24 | 小米
記得早兩個星期,小米喺中國大陸發表咗紅米 6 以及紅米 6A,當時就話知道好多用戶都不太希望有瀏海屏,所以紅米 6 無令大家失望,係「不帶瀏海」。然而其實果陣聽佢講呢句嘅時候,版主真係 R 哂頭,諗諗下乜你對上出果部小米 8,唔係都係一樣有 M 字額,而且仲似 iPhone X 似得咁足咩?算喇,佢鍾意「今天的我打倒昨天的我」,其實網友都唔 care,反正夠平,性價比夠高,網友一樣會敗。小米 8、紅米 6 兩部手機,今日正式喺香港發表,賣價會係幾多?喺發佈會之前,搶先話你知!

小米(Facebook).jpg

根據版主收到的消息,
小米 8 有兩個版本,分別為 6GB + 64GB 以及 6GB + 128GB,香港建議零售價分別為 $3399 以及 $3699,顏色有金、藍、黑三種選擇 (白色香港唔出),在 7 月 6 日正式開賣。至於紅米 6,香港會賣 3GB + 32GB 以及 4GB + 64GB 版本,顏色有粉、金、灰、藍,同樣將於 7 月 6 日正式開賣,建議零售價分別為 $999 以及 $1299,最平千元有找,名列百元手機之內。

呢個價,應該都幾合理吧?

36200111_630113110680832_1676800724651999232_n.jpg
▲ 紅米 6 有兩個版本,3GB + 32GB 版本賣價為 $999,而 4GB + 64GB 版本賣價為 $1299。

36312377_630113154014161_4319142975419449344_n.jpg
▲ 紅米6 將於 7 月 6 日 12 點正式開賣。

36189123_629981090694034_5855195822190231552_n.jpg
▲ 小米 8。

無 M 字額,有雙鏡頭!$1000 唔使起跳,紅米 6 / 6A 超平價?
▲ 紅米 6。

老實講,紅米 6 版主未玩過,唔評論住,但小米 8 我玩過,除咗 M 字額之外,其他地方我覺得又唔算係差嘅。6.2 吋大芒配合 19:9 比例,令到機身更加拉長,對於手細嘅我來說,手感特別佳。再加上 S845 處理器,性能雖然未必話去到官方講嘅 30 萬跑分,不過打起機上嚟點都唔會太差就是了。至於紅米 6,平機本來應該係無乜要求,不過有一點網友未必會鍾意,就係居然唔用 Qualcomm U,轉用 MTK Helio P22,是為咗 cut cost,抑或呢粒 U 真係好過上代嘅 Qualcomm S450?等版主有機上手再試下。

小米 8 在文章發表時,建議零售價為 $3699,按這裡有詳細規格及最新賣價
紅米 6 在文章發表時,建議零售價為 $999,按這裡有詳細規格及最新賣價
 

相關產品 (4)

相關報導 (4)

百元手機紅米 6 抵港!S845 旗艦小米 8 同步現身,賣價搶先睇!

百元手機紅米 6 抵港!S845 旗艦小米 8 同步現身,賣價搶先睇!

記得早兩個星期,小米喺中國大陸發表咗紅米6以及紅米6A,當時就話知道好多用戶都不太希望有瀏海屏,所以紅米6無令大家失望,係「不帶瀏海」。然而其實果陣聽佢講呢句嘅時候,版主真係R哂頭,諗諗下乜你對上出果部小米8,唔係都係一樣有M字額,而且仲似iPhoneX似得咁足咩?算喇,佢鍾意「今天的我打倒昨天的我」,其實網友都唔care,反正夠平,性價比夠高,網友一樣會敗。小米8、紅米6兩部手機,今日正式喺香港發表,賣價會係幾多?喺發佈會之前,搶先話你知!

左定坤 (Cho Ting Kwan) | 2018-06-26
百元手機用 12nm 處理器!紅米 6 上手 + 效能評測

百元手機用 12nm 處理器!紅米 6 上手 + 效能評測

平價手機,其實好多人愛,所以小米——尤其是紅米系列,喺香港就做得起。6月中嘅時候,小米在中國大陸發表了入門新機紅米6,首載MTKHelioP22處理器,官方就話比起舊代紅米5嘅QualcommS450處理器好,除咗頻率有更大的2.0GHz外,而且仲改用了12nm制程,即係比起舊代理論上亦會更省電。但畢竟是MTKU,就算表面幾風光,網友都未必會buy。之前小米無請版主去中國嘅發佈會,無機會上手試玩呢部紅米6,而今日終於正式抵港,叫做可以碰下部機,

左定坤 (Cho Ting Kwan) | 2018-06-26
無 M 字額,有雙鏡頭!$1000 唔使起跳,紅米 6 / 6A 超平價?

無 M 字額,有雙鏡頭!$1000 唔使起跳,紅米 6 / 6A 超平價?

早前去完深圳小米8系列的地獄團之後,小米今日再發表新機,推出最新的千元系列手機——紅米6。小米旗艦機,網友未必會buy,尤其抄iPhoneX抄到咁十足,連個M字額瀏海屏都直接搬埋過去,真係好難提起買機的意慾。不過,如果價錢夠低的話,又唔同講法,網友理得佢係咪M字額,平夾抵玩會讓大家無視手機外觀,立即狗衝。紅米6,在最初的傳聞入面,係話用上M字額,但最新的官方宣傳海報上,又似乎沒有。到底係有抑或無,實際外觀係如何呢?今次又有幾成似iPhoneX?睇

左定坤 (Cho Ting Kwan) | 2018-06-12
攝力比拼 iPhone X!小米 8 大戰 2017 手機,105 分無造假?

攝力比拼 iPhone X!小米 8 大戰 2017 手機,105 分無造假?

尋日小米喺深圳舉行發佈會,出三部手機都算,吹漲仲要限媒體10分鐘體驗時間,搞到影得機嚟,都「體驗」唔到。好老實,體驗唔到我又無乜損失,佢唔俾時間我哋試,我哋無辦法詳盡話到俾網友知,對部手機有乜感覺,最終損失會係邊個?好在,最後小米都叫「識做」,拎咗幾部小米8俾眾多香港媒體「輪」。有,都叫好過無嘅。而小米8強調啲乜?咪話影相部份有幾吊打舊年嘅iPhoneX囉。版主趁有機在身,就試下拎返iPhoneX出嚟做個攝力比拼,睇下呢部小米8係咪真係贏得到。睇下文啦!

左定坤 (Cho Ting Kwan) | 2018-06-01

最新新聞