水貨有難!獨家爆華為高性價比系列 榮耀 Honor 行貨消息

2018-11-17 13:49
的而且確,華為 Mate 系列好像是很吸引,但事實上華為旗下的性價比系列 —— 榮耀 Honor,似乎更多網友會考慮,只可惜是一直以來,Honor 系列都沒有在香港推出行貨,想入手的話,水貨是唯一的途徑。不過,版主收到風,Honor 系列終於都決定在香港推出,大概係幾時會有,內文會再話你知。

水貨有難!獨家爆華為高性價比系列 榮耀 Honor 行貨消息

版主收到風,一直只有水貨的華為 Honor 系列,大概會在 12 月殺到香港。有行貨,個個就未必會再買水貨,這種情況有可能會對水貨店造成威脅。係好事?定壞事?真係睇你點睇。如果 Honor 系列出行貨,你又會想佢在香港推出邊部手機呢?下面可以俾你投票 水貨有難!獨家爆華為高性價比系列 榮耀 Honor 行貨消息

華為旗下的榮耀 Honor 系列,一直都係 Sell 高性價比,而且並不會因為便宜,質素就會降低,所以好多時候 Honor 系列手機,都能夠得到不少網友青睞。就好像早三個月前推出的 Honor Note 10,版主聽聞水貨都賣得好勁,又有 6.95 吋巨芒,又有旗艦 U,雖然唔係用到最新 Kirin 980,但一般打機其實都算夠用,再加埋有 5000mAh 大電,硬件上係幾不錯。當時有網友甚至用佢嚟同小米 Max 3 比較,認為 Honor Note 10 吸引得多。

仲有仲有,小米最新咪發表咗部滑蓋手機小米 MIX 3 嘅,華為 Honor 都有呢種設計的手機 —— Honor Magic 2,可以見到,其實 Honor 系列係對住小米嚟打,唔單止打平價,而且仲講質素。Honor 系列在香港推出,某程度上可以說是用家的福音,你又同意嗎?