千元手機玩孖鏡頭!Lenovo K5 Note / S5 雙鏡效果,跑分搶先睇!

Keith Yim 2018-12-20 14:37 | Lenovo
早前版主了解過 Lenovo 手機出現雙代理事件,我哋已問過其中一間康帕斯電子科技,今日好快亦有另外一間 D1 嘅解說。誰是誰非,先不理。但以下呢兩部手機,就會呢兩個代理都會賣,官方建議價都係一樣。講番部機,Lenovo K5 Play 與 S5 都係入門手機,千元甚至更平,已有雙鏡頭!效果係點?即睇!

01.jpg

千元雙攝 Lenovo S5

比較新嘅一部,會係 Lenovo S5,佢好處係千元手機來講,唔係用 MTK CPU,而係用以慳電出名嘅 Qualcomm S625 CPU,加上用 Type C 充電,用上來,充起電上來,都唔會慢過人,加上 4GB + 64GB ROM 嘅配置,入門手機來講,叫做合理,我會覺得 3000mAH 電會略細,因為唔少千元手機都有四千電架啦。S5 有面部解鎖、指紋辨識,但無 NFC。講開雙攝,後置鏡頭係雙千三萬配置,F2.2 光圈,玩嘅係景深背景虚化,前置鏡頭有 1600 萬像素,玩嘅係 80.2 廣角自拍。

01.jpg
▲ Lenovo S5 同樣是 5.7 吋大芒,但解像度為 Full HD+。

02.jpg
▲ 由 D1 代理嘅 Lenovo S5 只有黑色版,版主借到的紅色,是由康帕斯提供。

s01.jpg
▲ 採用 S625 CPU 嘅 Lenovo S5,係 Antutu 有七萬八千分,略為好過 S435 CPU 嘅 K5 Play。

s02.jpg
▲ S5 雙鏡頭,玩到虛化背景,級別也可以在事後調整。

S01.jpg S03.jpg
▲ 虛化背景試拍。

S02.jpg S05.jpg
▲ 遠景及近拍。

千蚊有找 Lenovo K5 Play

得一千蚊 Budget 想買手機?可以嘅,呢部 Lenovo K5 Play 幫到你。Qualcomm S435 處理器,32GB ROM + 3G RAM,電池都係 3000mAH,屏幕就係 18:9 嘅 720p 解像度。雙攝部份,千三 +二百萬像素組合,都係玩景深背景虚化,前置鏡頭八百萬。有指紋辨識,都係無 NFC。

03.jpg
▲ Lenovo K5 Play 有 5.7 吋大芒,解像度為 HD+。留意佢地用係 ZUI 3.7 有點似原生 Android 8,但拉下目錄變為下向上嘅拉上目錄,版主比較討厭呢 D 更改 Android 原生體驗嘅造法。

04.jpg
▲ Lenovo 手機代理 D1 會引入藍色及黑色版本,康帕斯會比較多顏色選擇,包括這款銀色。

antutu.jpg
▲ AnTuTu 跑分有 58492,是 S435 CPU 造出正常分數。留意 GPU 分數一萬都無,代表這類千元手機,不太適合用來打手機遊戲。

IMG_20181220_130011.jpg IMG_20181220_130423.jpg
▲ 虛化背景試拍。

IMG_20181220_130403.jpg IMG_20181220_131708.jpg
▲ 遠景及近拍。

Lenovo K5 Play 係文章刊登時,賣價為 $1099。按這裡有更詳細規格及最新賣價。
Lenovo S5 係文章刊登時,賣價為 $1399。按這裡有更詳細規格及最新賣價

相關產品 (2)

相關報導 (1)

千元手機玩孖鏡頭!Lenovo K5 Note / S5 雙鏡效果,跑分搶先睇!

千元手機玩孖鏡頭!Lenovo K5 Note / S5 雙鏡效果,跑分搶先睇!

早前版主了解過Lenovo手機出現雙代理事件,我哋已問過其中一間康帕斯電子科技,今日好快亦有另外一間D1嘅解說。誰是誰非,先不理。但以下呢兩部手機,就會呢兩個代理都會賣,官方建議價都係一樣。講番部機,LenovoK5Note與S5都係入門手機,千元甚至更平,已有雙鏡頭!效果係點?即睇!

Keith Yim | 2018-12-20

最新新聞