【版主格價七款筆電】三千蚊買高質筆電? 港產牌 AVITA LIBER 入門機挑大廠!

2017-08-09 15:14
唔理你買手機,買平板,買筆電,定買乜都好,好多時候只要見到係大陸品牌,買的時候都要認真思考下,到底是否值得入手。但如果件產品唔係來自大陸,而係香港品牌,網友又會唔會諗都唔諗,就願意去撐呢?在今年 5 月尾舉行的 COMPUTEX 大展上,就出現過一部來自香港品牌 Nexstgo 的筆電 AVITA LIBER,而呢部筆電將會在今日就在香港發表,賣價最平大約三千蚊左右,數字上好似好平,但諗深一層,呢個價錢真係無更好選擇咩?版主就同大家格下價,睇下有無邊部大廠筆電,性價比可以挑贏 AVITA LIBER!Let's Go!

【版主格價七款筆電】三千蚊買高質筆電? 港產牌 AVITA LIBER 入門機挑大廠!

格價之前都係要同大家簡單重溫一下,到底呢部 AVITA LIBER 係乜料子。AVITA LIBER 用上鋁合金機身,具有 13.3 吋以及 14 吋兩個屏幕尺寸版本,處理器由最低階的第七代 Intel Celeron N3350,至 Intel Pentium 處理器,並內置 4GB / 8GB DDR3 以及 128GB / 256GB / 512GB SSD,顏色有銀、灰,香港建議零售價為 $3590 起跳。另外仲有較高階的 AVITA LIBER Glamour Collection 版本,處理器由 Intel Core M3 至 Intel Core i7,顏色有金、黑、白、粉、紅,賣價由 $5990 起跳。不過留意一下的是,三千幾蚊買 Celeron,近六千買 M3,再加上仲用緊 DDR3 記憶體,真係值?在平價的筆電之中,又會有邊部更好、更抵玩的選擇呢?

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 


001: Lenovo IdeaPad 110

同樣是用 Intel Celeron 處理器,Lenovo IdeaPad 110 14 吋版本,三千蚊唔使已經可以入手,官網標示建議零售價為 $2998。大家都係 14 吋,大家都係用 Celeron U,大家都係 DDR3,點解 Lenovo 賣三千唔使,而 AVITA LIBER 要賣到三千七咁貴呢?相差嘅主要係,Lenovo IdeaPad 110 比 AVITA LIBER 少 2GB RAM,同埋無 SSD,而是用上 500GB HDD。但,會唔會因為這樣,你就願意多付出七舊水呢?

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

002: Lenovo V110

Lenovo V110 具有 15.6 吋防反光大芒,其鉸鏈可以 180 度翻動。不過,配置上就只用上第六代的 Intel Pentium N4200 處理器,內置 4GB DDR3L 以及 500GB ROM / 1TB ROM,500GB 版本賣價為 $2599,而 1TB 版本賣價則為 $2899

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

003: Lenovo Yoga 310

Lenovo 的 Yoga 系列,其中一個最出名的賣點,就是配備 360 度鉸鏈,可以一部筆電具有四種使用模式。而 Yoga 310 具樣配備第六代的 Intel Pentium 四核心處理器,內置 4GB DDR3L 以及 500GB HDD,並具有 2 個 Dolby Audio 立體聲喇叭,電池基本使用最高達 6 小時。不過,呢部 Yoga 310 係為方便攜帶而製造,變相屏幕都無上面兩部咁大,只有 11.6 吋,賣價 $3098

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

004: DELL Inspiron 14

DELL Inspiron 14 同樣有兩個版本,一個是用第 6 代 i3 處理器,而另一個則用第 7 代 i5 處理器,兩部同樣具有 4GB RAM 仲要係 DDR4,並內置 500GB ROM 以及獨立顯示卡,網上賣價分別為 $3599 及 $4799。叫得「14」,好明顯呢部 DELL Inspiron 14 係配備 14 吋屏幕,解像度為 1366 x 768。你諗下,三千六有找,已經買到部 i3 處理器,咁點解要用相若價錢,去買 Celeron 筆電呢?

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

005: ASUS VivoBook Max

如果想要部相對高階點的筆電,除左上面 $4799 用 i5 U 的 DELL Inspiron 14 之外,ASUS VivoBook Max 系列,都可以係一個選擇。VivoBook Max 採用了 15.6 吋全高清屏幕,配備了 Intel Core i5-7200U 處理器以及 NVIDIA GeForce 920MX 2GDDR3 獨立繪圖卡,同樣內置 4GB DDR4 RAM,而硬體容量更有 1TB。而呢部 VivoBook Max 都不過是比 Inspiron 14 貴多 $200,大學優惠賣緊 $4998,以呢個規格來說,應該都不算是昂貴吧?

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

006: Acer Aspire Swift SF314-51

上面講的五部筆電,都係用上 HHD 的,會唔會有啲乜 SSD 的選擇呢?有!呢部 Acer Aspire Swift 具有 14 吋全高清芒,內置 4GB DDR4 而且仲有 128GB SSD,配備 Intel Core i3-7100U 處理器,腦場賣價都不過是 $3998,四千唔使。

【版主格價七款筆電】三千蚊買高質筆電? 港產牌 AVITA LIBER 入門機挑大廠!
 

終極選擇 007:馳為 Lapbook 12.3

點解連馳為 Lapbook 都係一個選擇呢?其實呢度版主主要想同大家講,其實用上 Celeron 處理器的筆電,真係唔應該咁貴。睇番我之前寫過的馳為 Lapbook 12.3,都係用上第七代 Intel Celeron N3450 處理器,有 6GB RAM 不過係 eMMC,但唔好理,呢部機而家深水埗黃金都只係賣緊 $2680,同 AVITA LIBER 都相差一段距離。你會點揀?

【版主格價七款筆電】三千蚊買高質筆電? 港產牌 AVITA LIBER 入門機挑大廠!

以上咁多部,又有無邊部啱你心水呢?你又認為係唔係 AVITA LIBER 以外更好選擇?