平價文書機!Nexstgo 14 吋筆電三千頭入手,用第八代 i5 處理器

2018-08-16 18:27
早排有朋友問版主,主要文書用途,唔多打機,有無乜嘢平價抵玩嘅電腦選擇。我認為,假如真係唔打機,純粹文書用途,其實就無乜必要追求到太強大嘅配置,基本上 Intel Core i3 / i5,對我嚟講都已經好夠用。今日碌碌下 Facebook,見到豐澤推出咗專為大專生而設嘅「電腦產品開學優惠」,優惠低至 45 折,其中三千蚊左右,就可以有 14 吋芒、第八代 Intel Core i5 處理器嘅筆電,網友又覺得抵唔抵呢?睇下文啦!

平價文書機!Nexstgo 14 吋筆電三千頭入手,用第八代 i5 處理器

雖然話就話呢啲優惠專為大專生而設,但其實身邊搵個大專生幫手買,相信都唔算係一件難事。而今次呢個優惠中,版主對 Nexstgo SU01 這部筆電,感到有點興趣。建議零售價 $4799,而家豐澤優惠價 $3299,平咗足足千五蚊,有 14 吋 FHD 屏幕,配備第八代 Intel Core i5-8250U 處理器,內置 4GB 記憶體,硬碟容量為 500GB。

平價文書機!Nexstgo 14 吋筆電三千頭入手,用第八代 i5 處理器

而點解版主會對這部筆電感興趣呢?事關版主而家用緊舊代的 ASUS VivoBook S15,雖然都是有第七代的 i7 處理器,而且記憶體有 16GB,碟碟容量則有 1TB + 256GB SSD,從硬體規格來說,的確是不算差。然而有一點,會影響到版主的使用體驗:

續航問題:ASUS VivoBook S15 就算充滿電,都只係用到 4 小時左右,搞到每次出去工作,都一定要四周搵插頭。而 Nexstgo SU01 官方表示續航有 9 小時,相信會比起我手上部 VivoBook S15 更好用。

當然,價錢也是一個重大問題。版主入手 ASUS VivoBook S15 的時候,在百老匯買大約為 $8000,而家呢部 Nexstgo 筆電只需三千頭,而對於甚少打機嘅版主來說,其實 Intel Core i5 同 i7、有沒有獨立顯示卡,都不會有太大的差別。見到呢部 Nextsgo 筆電,令我有少許心動感覺。網友又點睇呢部筆電呢?

Nexstgo SU01 購買連結
其他豐澤「大專生開學優惠」詳情