必搶!清貨賤價賣!$3600 入手 i5 + 8GB + 256GB SSD 12.5 吋筆電

2017-01-27 12:48
話說版主最近無無聊聊,得閒上去二手區度,睇下近期有無一些比較平價抵玩的筆電啦!望來望去都好似無乜邊部買得落手,呢個時候 YK 仔就同版主講,DELL 做緊清貨減價喎,超抵玩,佢自己都入左部。講到咁抵玩,睇過?嘩,i5 處理器、8GB RAM、256GB ROM 12.5 吋筆電,不過 $3999 咋!而且仲有方法,可以再平啲入手!搞到版主家陣都心大心細,趁而家未俾人搶哂,同左大家分享先再算!XD 睇下文啦!

必搶!清貨賤價賣!$3600 入手 i5 + 8GB + 256GB SSD 12.5 吋筆電

今次 DELL 搞呢個清貨減價,當然不止一部咁少,起碼都有六七部,不過對於窮鬼版主來說,八九千或者過萬嘅,我都不會考慮,而反而比較吸引到我的,應該是 Latitude E5250 呢部 12.5 吋 HD 筆電,限時減價 $1200,而家只係賣 $3999,有 Intel Core i5-5300U 處理器,內置 8GB 1600MHz DDR3L 記憶體以及 256GB SSD,淨係睇呢個 specs,呢個價錢已經叫好抵玩。剛才提到,其實仲有辦法可以再平啲入手,到底係點呢?注意!$3999 係講緊用 Windows 10 專業版 (64 bit) 英文,如果你降格做 Windows 10 家用版,最高可以平多 $364,即係 $3635 就可以入手到。

必搶!清貨賤價賣!$3600 入手 i5 + 8GB + 256GB SSD 12.5 吋筆電
▲ 降格為家用版,仲可以再平啲添!不過,雖然以上有好多選擇,但其實好多都話有 Error,最平應該係英文 -364 果個版本。

必搶!清貨賤價賣!$3600 入手 i5 + 8GB + 256GB SSD 12.5 吋筆電
▲ 當然,如果你覺得 Intel Core i5 都唔夠你用,其實官網仲有好多唔同的選擇,你可以按上圖或按這裡睇下仲有無其他啱心水!