型格 Win 10 二合一筆電!五千有找,限時送台灣來回機票!

2017-02-21 20:20
版主自從用左 MacBook 之後,就好少再用 Windows 筆電,應該係話,用慣 MacBook 再用番 Windows,會覺得好唔習慣。不過,早前有部二合一筆電,深深吸引到版主,價錢算合理,外型又型格,但用來做文書工作會令人發癲,用來繪圖就相當適合。估到版主講邊部筆電未呢?最近呢部筆電做緊限時優惠,買機送台灣來回機票,網友又覺得抵唔抵呢?睇下文啦!

型格 Win 10 二合一筆電!五千有找,限時送台灣來回機票!

講緊嘅係 Lenovo Yoga Book,呢部機有 Android 同 Windows 兩個版本,不過今次呢個限時優惠,就只為 Windows 版本而設。Windows 版本機價 $4999 起,由即日起至 3 月 15 日,購買 YOGA Book Windows 版本,再喺 4 月 15 日前在呢條 Link 登記,就有機會得到「單人香港至台北經濟客位來回機票」一套,名額限定 700 個,先到先得,送完即止。

型格 Win 10 二合一筆電!五千有找,限時送台灣來回機票!

Lenovo Yoga Book 號稱係全球最輕最薄的二合一筆電,重量只有 690g,而厚度僅 4.05mm,並配備 10.1 吋 FHD IPS 屏幕。呢部 Yoga Book 賣點係: 「無鍵盤」,正確嚟講,應該係用上隱藏式 HALO 鍵盤,優點係型格,但對於版主來說,缺點係做文書工作時,找不到「啪啪啪」的快感。不過,Yoga Book 會有枝 Real Pen 觸控筆,支持 2048 級壓力感應,配合 Wacom EMR 技術,毋須充電。另外,Yoga Book 配備了 Intel Atom x5 處理器,內置 8500mAh 超大電池,續航能力達 15 小時,應該足夠一天使用。顏色方面,Windows 版本 Yoga Book 有碳黑色,唔知網友又鍾唔鍾意呢款筆電呢?