HP 手提電腦買一送一,係咪真係抵?

2017-03-08 20:57
最近不知是甚麼緣故,版主忽然想入番部手提電腦,用作文書、玩小遊戲的用途。如果講平價抵玩,也許大陸品牌的電腦,會是我的考慮之一。然而就在這時候,版主突然見到,有大型零售商 HP 手提電腦做緊買一送一的優惠,吸引到版主立即了解下到底是甚麼一回事,係咪真係咁抵。想知,睇下文啦!

HP 手提電腦買一送一,係咪真係抵?

版主說的是豐澤,就在剛剛出了 Facebook post,表示 HP 手提電腦會有「買一送一」的優惠,買大送細,入手 HP Pavilion 15,即送 HP Stream 11,隨機仲包埋一年 Microsoft Office 365 個人版,就咁睇好似好吸引。但,佢送部 Intel Celeron N2840 + 2GB DDR3L + 32GB eMMC 的電腦,就算係做文書工作,都稍嫌有點困難。而正主 Pavilion 15 就正常番少少,用 Intel Core i7-7500U 處理器 (版主打過電話 confirm 過),內置 8GB DDR3L + 1TB 儲存容量,叫做勉強見得下人,但 $7999 呢個價錢,送部你都唔會用的細電腦,有無真係抵到呢?就由你自己去衡量了。

HP 手提電腦買一送一,係咪真係抵?