智能手錶系列
情人節 Fossil Jacqueline 特別禮盒裝
適逢情人節，Fossil 特別為男士們準備了一份「大禮」，等你哋可以送俾你身邊的另一半，佢就係 Fossil Jacqueline 情人節閃亮粉色禮盒裝，價值 $1550，入面有玫瑰金配以粉色皮革腕錶，同埋兩對粉紅色嘅耳環，包你另一半收到會滿意。（注意: 呢款 Fossil Jacqueline 腕錶並非智能手錶，不過見幾靚順便介紹埋
）
Fossil Q Modern Pursuit、Q Grant
Fossil 最近都出左兩隻 Q Hybrid 系列智能手錶，分別有 Q Modern Pursuit 以及 Q Grant，能夠提供通知提示、監測睡眠、管理生活等功能，前者係專為女士而設，玫瑰金色雙指針、刻上數字的錶殼以及純白色矽膠錶帶，適合熱愛享受生活的女士; 而後者則為男士而設，錶面呈淡黃色，配以沉黑古羅馬數字，外形比較有復古味道，適合成熟男士使用。Q Modern Pursuit 賣價為 $1800，而 Fossil Grant 賣價則為 $1600。
藍牙耳機系列
JAYS u-JAYS Wireless 無線頭戴式耳機
u-JAYS Wireless 係瑞典牌子 JAYS 推出的第一款藍牙頭戴式耳機，成功趕喺情人節之前登陸香港。在一貫北歐簡約型格設計底下，加上 Touch Controls 觸控面版，配合各組動作揀歌 / 調較音量，出街果陣情侶之間可以互相「畫耳仔」揀歌，以音樂傳遞心意。u-JAYS Wireless 最長連續音樂播放時間達 25 小時，建議零售價 $1499。
成雙成對！Dearear ENDEAR True Wireless 真‧無線藍牙耳機
以 True Wireless 打出名堂嘅 Dearear ENDEAR，能夠以完全無線嘅方式連接，擺脫耳機線嘅束縛。ENDEAR 特設黑、白兩種顏色，無論係男定女都適合，在外型上，圓型機身再配上搶眼嘅同心圓刻紋，實在是充滿時尚感。賣價 $998，你又會唔會考慮呢？
其他產品
Torrii TORRIMIST 便攜超聲波加濕器
情人節送禮物，唔係真係睇你送啲乜禮物，而係視乎果份心意。最重要係俾對方感受到，你對佢嘅關懷及無微不至。唔少女士每日返工化妝，office 又長期開冷氣，令空氣乾燥，好容易會帶來皮膚問題。而 Torrii TORRISMIST 便攜超聲波加濕器，體積細小容易攜帶，能夠有效為 10 - 15 平方米嘅室內空間加濕，而且用 microUSB 供電，身在 office 亦可以方便使用。另外，TORRIMIST 用上密封式矽膠塞，就算唔小心打翻都可以避免漏水，夠哂貼心。價錢方面，Torri TORRIMIST 建議零售價為 $159，絕對唔貴又夠 sweet！
雙 USB 輸出！thecoopidea Journey Slim 5000 便攜充電器
唔少情侶都好鍾意去旅行，版主亦都唔例外。去旅行成日用 Google Map 搵路，間唔中上下 Facebook 覆下 whatsapp，好容易電話會唔夠電。thecoopidea Journey Slim 5000 MFI 便攜充電器，有雙 USB 輸出，男方叉電又得，女方叉電都得。顏色方面除左原有的雲石黑、雲石白、粉紅、粉藍，另外亦有以太陽系為主題嘅全新款色，包括淺啡、紫以及湖水綠。順帶一提，係 LOG-ON 尖沙咀海運及九龍塘又一城分店購買，仲有得免費刻名添！而呢款尿袋建議零售價為 $299，你又覺得貴定平？
