Trump 又玩嘢!直航機去美國,唔準帶 iPad、筆電上機用?

2017-03-21 14:29
自從 Donald Trump 上台後,美國同中東關係真係麻麻,因為 Trump 簽咗唔少行政指令針對中東人入境美國。但勢估唔到,呢個政策已經可能燒到「香港人」!今日美國  USA Today 報導指:由指定地區直飛去美國的,唔準乘客帶手提電腦、甚至 iPad 係機艙來使用!咁要出差嘅網友,飛機上面做唔到嘢,點算好?香港出發的班次,又唔會受影響架?

Trump 又玩嘢!直航機去美國,唔準帶 iPad、筆電上機用?

據外媒 USA Today 報道,美國國土安全部的運輸安全管理局推出新嘅指令,禁止來自九個中東及北非國家航空公司,係來往美國嘅航班上攜帶非手機外的電子儀器,包括 iPad 與手提電腦。

其中一個可能受影響嘅航班-皇家約旦航空喺尋日係社交網站 Twitter,出左條 tweet 表示唔可以拎電子儀器前往美國,當中包括手提電腦、平板電腦、相機、DVD 機等電子儀器,除左手機及醫療設備外,所有電子儀器必須寄艙處理。不過皇家約旦航空出左條 tweet 幾個鐘後就 delete 咗。

即使皇家約旦航空 Del 左條 tweet 唔代表無事發生,有一名美國官員告訴美聯社表示,呢項禁令涉及十三個城市嘅直航來回美國航班,當中涵蓋從埃及開羅、約旦安曼、摩洛哥卡薩布蘭卡、科威特 、卡塔爾多哈; 沙特阿拉伯利雅得和吉達、土耳其的伊斯坦堡、阿拉伯聯合酋長國的阿布扎比​​和杜拜。

目前國土安全部發言人 David Lapan 拒絕發表評論,而國土安全部的運輸安全管理局也拒絕置評。不過美聯社引用另一名美國官員消息,表示呢項禁令將影響總共九家航空公司,運輸安全管理局將在星期二美國東部時間上午3 點通知受影響嘅航空公司。

Trump 又玩嘢!直航機去美國,唔準帶 iPad、筆電上機用?
▲ Royal Jordanian 曾發 Twitter 列明美國新指引,但好快被刪除。
 


中東轉機要留意

對香港人最大影響應該係基地位於卡塔爾多哈、阿拉伯聯合酋長國的阿布扎比​​和杜拜嘅中東三寶:卡塔爾航空(Qatar Airways)、阿提哈德航空公司(Etihad Airways)、阿聯酋航空公司(Emirates ),當中呢三家航空公司有提供香港經中東轉機到美國嘅航班,小弟今日打左去三家航空公司香港嘅辦公室查詢,大家均表示未有就該項禁令通知。當大家會乘坐呢三間航空公司前往北美時,記得留意下航空公司嘅通知。

資料來源:USA Today
 

更多消息:

英國仿效美國,禁帶電子產品上機?
直航機去美國,唔準帶 iPad、筆電上機用?