附送電磁筆!9.7 吋無對手!Onyx BOOX N96 E-ink 電子書評測

2017-06-18 23:28
版主自小就好鍾意閱讀,以前放假得閒無嘢做,就會落去圖書館,睇下有無啲乜嘢好書,借番屋企慢慢欣賞。不過隨着科技進步,版主愈來愈少會拎實體書出街,想睇書的話,只要用手機 download 個 app,已經有海量書籍睇到飽。以前從來不明白,點解啲人要特登買部 eReader 黎睇電子書,手機做到嘅嘢,做乜要嘥錢去買部機黎做同樣嘅嘢呢?版主都好老實,一直以來我都無用過 eReader,直至最近有店舖借左部 Onyx BOOX 9.7 吋嘅 N96 俾我試,我終於明白點解啲人會捨得俾錢買 eReader。即刻開箱同大家做個簡單評測啦!

附送電磁筆!9.7 吋無對手!Onyx BOOX N96 E-ink 電子書評測
 


市場少見的 9.7 吋 eReader,用來看 PDF / 漫畫表現較 6 吋的佳

如果講到 eReader,市場上最出名嘅,應該係 Kindle。咁要買 eReader,點解唔買 Kindle 而要買呢部 Onyx BOOX N96?呢部 N96 又有啲乜過人之處呢?首先係尺寸方面,現時市面上的 Kindle 電子書,好多時候都係講緊 6 吋呢個 size,曾經出現過一部 Kindle DXG,同 N96 一樣有 9.7 吋,但最後難逃停產的收場。如果一般純粹用來睇小說,6 吋也許是夠用的,但如果有時需要用到 eReader 睇 PDF 檔或者漫畫的話,似乎 9.7 吋的 N96 會比 6 吋看得舒服好多。

附送電磁筆!9.7 吋無對手!Onyx BOOX N96 E-ink 電子書評測
▲ 首先俾大家睇下,Onyx BOOX N96 嘅包裝盒。

附送電磁筆!9.7 吋無對手!Onyx BOOX N96 E-ink 電子書評測
▲ 包裝盒底部會見到呢部機的規格資料。

附送電磁筆!9.7 吋無對手!Onyx BOOX N96 E-ink 電子書評測
▲打開包裝盒,除左會見到有 N96 電子書之外,仲有 USB 線、說明書以及一枝電磁筆。而 N96 的機身尺寸則有 9.7 吋。

附送電磁筆!9.7 吋無對手!Onyx BOOX N96 E-ink 電子書評測
▲ 機身右邊會見到有四個按鍵,分別為設定、音量鍵以及返回鍵。

附送電磁筆!9.7 吋無對手!Onyx BOOX N96 E-ink 電子書評測
▲ 機的底部會有開關鍵、3.5mm 耳機孔、microUSB 插槽以及 microSD 咭槽。

附送電磁筆!9.7 吋無對手!Onyx BOOX N96 E-ink 電子書評測
▲ 而機的背面是金色,並用上金屬材質。

附送電磁筆!9.7 吋無對手!Onyx BOOX N96 E-ink 電子書評測
▲ 另外,機的側面是可以插住枝電磁筆,方便出外使用。
 


有筆是賣點!N96 運行 Android 系統,有 Google Play

撇除尺寸部份不說,Onyx BOOX N96 另一比較特別的地方,就係佢係有電磁筆。無錯,有 9.7 咁大個屏幕,當然唔可以埋沒佢呢個優點,就算唔係用來睇書,用黎 Jot Note,設計師用來畫下圖畫,都係一個不錯的用途,而且電磁筆的靈敏度亦相當高,版主試過,直澄同喺紙上寫字的感覺差不多。還有的是,真沒想到呢部 N96 eReader,居然會是運行 Android,內有 Google Play 商店,不過版本就唔會好新,只有 Android 4.0,另外亦都不兼容 Whatsapp 等應用程式。配備 Cortex-A9 1GHz 處理器,內置 1GB RAM 以及 16GB ROM,使用時有時轉頁會有少許慢,以及會有點不流暢的感覺,而且無法安裝太多的應用程式,例如我安裝了 Evernote,都會好易彈 App,呢個都是我認為 N96 的缺點。

附送電磁筆!9.7 吋無對手!Onyx BOOX N96 E-ink 電子書評測

附送電磁筆!9.7 吋無對手!Onyx BOOX N96 E-ink 電子書評測
▲ N96 既可以用筆操控,亦能夠用手控制電子書。


▲ N96 內置筆記功能,可以讓你用觸控筆去 jot notes 寫字,不過佢呢個 notes 就沒有虛擬鍵盤打字功能,個人認為作為筆記,應該可以讓用家自行選擇到底要用虛擬鍵盤打字,抑或用手寫功能。以上為電磁筆靈敏度的示範。

附送電磁筆!9.7 吋無對手!Onyx BOOX N96 E-ink 電子書評測附送電磁筆!9.7 吋無對手!Onyx BOOX N96 E-ink 電子書評測
▲ N96 既有電子書專用的 App Store,讓用家下載不同的睇書 App。

附送電磁筆!9.7 吋無對手!Onyx BOOX N96 E-ink 電子書評測附送電磁筆!9.7 吋無對手!Onyx BOOX N96 E-ink 電子書評測
▲ 同時,因為 N96 運行 Android 系統的關係,亦內置 Google Play 商店,算係一個 Gimmick 位,不過因為只有 1GB RAM 的關係,其實就算俾你下載 Google 商店入面嘅 App,你都用唔到幾多,好似我下載 Evernote,都會係咁彈 App。
 


續航能力約 2-3 星期,E-ink 技術減輕長時間看書對眼睛的負擔

不過,回應番首段:「手機做到嘅嘢,做乜要嘥錢去買部機黎做同樣嘅嘢呢?」,最重要的是,eReader 始終因為用到 E-ink 電子墨水屏顯示技術,當你使用 eReader 睇書的時候,即使長時間使用,都不會對眼睛有太大的負擔,無手機屏幕咁傷眼睛。而且這種技術能夠做到省電之效,配合內置的 3000mAh 電池,每日閱讀 2 小時,充電一次大約可以用到 2 星期左右。

至於價錢方面,N96 系列其實有三個版本,N96c (無背光 + 無電磁筆) 賣價為 $2098,N96 ML (有背光,只能用電磁筆) 賣價為 $2498,而版主手上呢部 N96 (無背光 + 可用手或者筆操控) 賣價則為 $2498。唔知網友又對呢部 BOOX N96 有無興趣呢?

附送電磁筆!9.7 吋無對手!Onyx BOOX N96 E-ink 電子書評測
▲ 用上 E-ink 顯示技術,在任何環境下看書,都可以保持眼睛舒適,並且無手機咁傷眼。
 


Onyx BOOX N96 系列資訊

賣價: N96c ($2098) / N96 ML ($2498) / N96 ($2498) 【香港代理 Rainbow Company 12 個月保用】
查詢: K Digital 奇數碼