八達通瞓醒未! 香港的士即日接受支付寶 HK及大陸版付款

2017-10-30 15:15
八達通做到乜? 坐巴士、搭港鐵?就係坐的士仲係要俾 Cash,八達通出左廿年都唔唸點打通的士。所謂你唔做,人哋咪做囉!繼之前星群的士接收 Tap N Go 俾錢,今日「支付寶」宣佈,即係你去淘寶都成日提住你嘅支付功能,由即日起「支付寶 HK」及大陸人民幣版支付寶,都可以用來俾的士錢!

八達通瞓醒未!  香港的士即日接受支付寶 HK及大陸版付款

支付寶母公司螞蟻金融表示,首批數十輛接受支付寶的的士已在港九新界各區行走,並會在11月內增加至數千輛,並有市區「紅的」及新界「綠的」選擇。擁有「支付寶 HK」用家或中國大陸人用「支付寶」,點擊「掃一掃」並掃描司機出示的二維碼並輸入車資,或展示用戶付款碼讓司機掃描,確認密碼後便可輕鬆簡單完成付款,並可透過應用程式收到電子收據。支付寶在過程中不收取任何手續費。

八達通瞓醒未!  香港的士即日接受支付寶 HK及大陸版付款

#感謝網友提醒,原來八達通之前都有係的士安裝八達通,不過最後不普及,被版主遺忘了。

你會用來支付寶,用來找的士數嗎?大家不妨分享一下。 
快加入會員賺 EP!累積點數、免費換優質商品