雙 11 開箱試伏!300 蚊有找買德製 Cherry MX 軸鍵盤

2017-11-19 10:25
作為一名鍵盤戰士,機械鍵盤絕對係標準配備。正所謂「日打萬字、請買 Cherry」,德國製的 Cherry MX 軸心一直備受用家追捧,原因係品控水平高、軸心壽命長、表現可靠等因素。本 YK 近來手頭緊但又想買多塊 Cherry MX 軸的鍵盤,香港市面上普遍叫價過 500元,我唯有北望神舟。結果係鄰國「動物網店」雙 11 特價活動中,以不到 300元購入 Cherry MX 紅軸鍵盤。既然入手 GET,咁就開箱吧!

雙 11 開箱試伏!300 蚊有找買德製 Cherry MX 軸鍵盤

零:究竟乜係機械鍵盤?
呃,我唔想花太多時間去介紹乜薄膜、機械、靜電容之類,你應該要自己 Google 啦! 簡單一句,機械鍵盤就係每個按鍵自身都有一粒獨立的軸作為開關,優點係手感絕佳、反應快、最大幅度提升提高打字效率,而德國製造的 Cherry MX 軸就是目前市場的領導者。市面上絕大部分機械鍵盤都係向 Cherry 採購軸零件,然後自行設計與裝配成完整鍵盤,而德製零件價錢固然高,所以鄰國亦出現大量仿製品及「改良品」,但當然手感和壽命仍然無法比擬,暫時未能獲得廣大用家認可。所以,本 YK 暫時都只會講:「要買機械鍵盤,請買 Cherry MX 軸」。


壹:中國產、價錢平!
本 YK 選擇了中國產的 RK 品牌的鍵盤型號 920C-104,聲稱採用 Cherry MX 紅軸,鍵盤是全功能的 104 鍵(全鍵無衝),全白光 LED 燈配合 ABS+PC 雙色注塑,盛惠人民幣 299元(含運費 10 元),兌換港幣都係 360元。但鍵盤野絕對係一分錢一分貨,究竟呢個鍵盤有乜伏呢?

雙 11 開箱試伏!300 蚊有找買德製 Cherry MX 軸鍵盤
▲ 紙皮包裝外寫住中國製造,有 LED 白燈及紅軸櫻桃,姐係 Cherry MX 紅軸? 

雙 11 開箱試伏!300 蚊有找買德製 Cherry MX 軸鍵盤
▲ 開箱! 盒內左右塞入軟海綿,鍵盤就用環保膠袋套住,保護性一般。

雙 11 開箱試伏!300 蚊有找買德製 Cherry MX 軸鍵盤
▲ 附送的配件有鍵帽夾,很重要的說明書,以及一個迷你塵掃(實際作用不大)。


雙 11 開箱試伏!300 蚊有找買德製 Cherry MX 軸鍵盤 雙 11 開箱試伏!300 蚊有找買德製 Cherry MX 軸鍵盤
▲ 登場! 我買的是 104 鍵,也就是平常辦公室內的 100% 按鍵佈局。

雙 11 開箱試伏!300 蚊有找買德製 Cherry MX 軸鍵盤
▲ 方向鍵附近寫著 RK 牌全稱的圖標 ROYAL KLUDGE:大膽逆賊!身為偉大祖國製品,竟斗膽用不列顛「皇家組裝」命名!?

雙 11 開箱試伏!300 蚊有找買德製 Cherry MX 軸鍵盤
▲ 鍵盤採用斜面弧度的高低鍵帽,貼近打字時候手指可移動的幅度。

雙 11 開箱試伏!300 蚊有找買德製 Cherry MX 軸鍵盤
▲ 全浮鍵帽設計讓你看到機械軸的底部。

雙 11 開箱試伏!300 蚊有找買德製 Cherry MX 軸鍵盤
▲ 鍵帽上的刻印是採用 ABS+PC 注塑技術,就是容許 LED 透光。但要留意,F1、F2、F3 等鍵帽上的特殊功能標誌卻只是顏料圖層,用耐左肯定會甩漆。

雙 11 開箱試伏!300 蚊有找買德製 Cherry MX 軸鍵盤
▲ 好緊張,究竟呢次係咪 Cherry MX 紅軸呢? 因為之前發生過送錯貨事件。。。

雙 11 開箱試伏!300 蚊有找買德製 Cherry MX 軸鍵盤
▲ 喔,無錯,確實係寫住 Cherry 紅,仲見到 LED 燈。

雙 11 開箱試伏!300 蚊有找買德製 Cherry MX 軸鍵盤
▲ Enter、Shift 等長條按鍵,旁邊的白色軸並沒有任何回彈力,這種方案我認為令手感會變弱。

雙 11 開箱試伏!300 蚊有找買德製 Cherry MX 軸鍵盤
▲ 比大家睇睇何為一分錢一分貨,鍵帽的字樣真係好醜樣,而且會見到黑白接位有空隙。

雙 11 開箱試伏!300 蚊有找買德製 Cherry MX 軸鍵盤
▲ ABS + PC 注塑慘不忍睹,給人一種粗糙的觀感,而且鍵帽邊四個水口位置清晰可見,甚至有少許刮手。

雙 11 開箱試伏!300 蚊有找買德製 Cherry MX 軸鍵盤
▲ 反而 Enter 鍵比較乾淨,但水口位都係。。。唔講了。

雙 11 開箱試伏!300 蚊有找買德製 Cherry MX 軸鍵盤
▲ 呃,奇怪的是:明明得三個頭卻有五個窿。輕輕敲一下面板,確實金屬無誤。 

雙 11 開箱試伏!300 蚊有找買德製 Cherry MX 軸鍵盤
▲ USB 2.0 的鍍金接口,但塑膠柄竟然有毛。

雙 11 開箱試伏!300 蚊有找買德製 Cherry MX 軸鍵盤
▲ 慶幸的是,消磁圈設計仍然獲得保留,逃過被 CUT COST 的命運。

雙 11 開箱試伏!300 蚊有找買德製 Cherry MX 軸鍵盤
▲ 三個毛主席的價錢,無拆線設計都係意料中事,但接口軟膠搖搖欲墜的感覺,令人不太安心。

雙 11 開箱試伏!300 蚊有找買德製 Cherry MX 軸鍵盤
▲ 鍵盤底部有六舊膠基,起到防滑作用。

雙 11 開箱試伏!300 蚊有找買德製 Cherry MX 軸鍵盤
▲ 值得一讚係增高支架末端竟然保留軟膠設計,令我很意外。

雙 11 開箱試伏!300 蚊有找買德製 Cherry MX 軸鍵盤
▲ 這個軟膠係非常重要,防滑作用功不可沒。


貳:使用手感
Cherry 紅軸我用過一段時間,但後來轉青軸。但青軸的「天籟之音」並不是人人可以接受,所以唯有轉黎紅軸。紅軸手感輕,按下去感覺直上直落,同時適合打機和打字,但就缺少清脆的撞板聲音。


▲ 這是鍵盤試打示範。


▲ 這是另一個鍵盤 Cherry 青軸作為對比。

雙 11 開箱試伏!300 蚊有找買德製 Cherry MX 軸鍵盤
▲ 其實我個人對燈無太大興趣,但呢個鍵盤有燈,而且可以有幾個亮燈模式。


▲ 其中一個燈光效果示範。


總結:300蚊人仔尚可接受
一分錢一分貨,貴野未必好,但平野一定有代價。呢次買的鍵盤沒有 PBT 鍵帽、沒有拆線設計、沒有編程功能,基本上除了 Cherry MX 紅軸外,其他用料和造工都稱不上良好,只能說及格。但畢竟在「價錢平」這個的絕對因素下,潘金蓮都要接受武大郎! 在粗用鍵盤的選擇黎講,已經算係五星級享受,但鄰國製品都係等我用多幾個月再下定論都未遲。

網友們,如果你有好推介,不妨留言分享下;如果你想要我推介,亦不妨留言交流下。