勁過信用卡,回贈 50% 消費額!教你用支付寶 HK、WeChat Pay、TapNGo 最著數大法

2018-02-14 19:33
成日講,香港電子支付好落伍,講到尾,都只係無優惠去推。今個新年,三大支付工具:支付寶 HK、WeChat Pay、Tap N Go 都大力推出不少著數優惠,吸引不少網友去使用。你肯用,最多有 50% 消費額回贈,勁過用信用卡!想知點攞優惠!睇下文啦!

勁過信用卡,回贈 50% 消費額!教你用支付寶 HK、WeChat Pay、TapNGo 最著數大法
 


支付寶 HK

添香油都可以用支付寶!嗇色園黃大仙祠捐款 $60 送 $30
支付寶 HK 呢個好老實,又真係有少少搞笑成份,話 AlipayHK 要「開拓全新服務領域」喎,所以今日起宣佈同嗇色園黃大仙祠合作,只要成功下載 Alipay HK 應用程式,並完成登記,於嗇色園黃大仙祠消費或捐款滿 $60,就可以享有 $30 迎新利是喎,即係回贈 50%。連添香油都用 Alipay HK 俾錢,都算係幾「有創意」嘅,你又會唔會用呢?

Pacific Coffee Altura 手調飲品享免費升級優惠
除咗添香油有支付寶優惠,有無啲比較大眾化少少多人用的優惠呀? 都有嘅,支付寶宣佈同Pacific Coffee 合作,由即日起新用戶凡成功下載 Alipay HK 購買任何 18/25 Altura 手調飲品,即可享免費升級優惠。

勁過信用卡,回贈 50% 消費額!教你用支付寶 HK、WeChat Pay、TapNGo 最著數大法
 


WeChat Pay

WeChat Pay 同支付寶鬥優惠,送足 $140
支付寶出招啫,WeChat Pay 似乎出招出得更狠。WeChat Pay 就在今個月開始就大派 WeChat 利是,在指定商戶 (例如 OK 便利店、稻香集團、美心集團、日本城、一田等等) 消費滿 $68 即可享 $28 WeChat 利是,每人最多可以攞到 5 封,即 Total $140。有優惠,攞咗先又無壞嘅。

綁定信用卡送 $10 利是
一句講聲,佢想要連你張信用卡啫,不過為咗 $10 而綁定信用卡,我又未必會......

WeChat 掃 QR Code 送利是
其實呢個又唔係話特別吸引嘅,喺推廣期間掃下面 QR Code 就可以搶走 $8.8 利是喎,真係多謝哂......

勁過信用卡,回贈 50% 消費額!教你用支付寶 HK、WeChat Pay、TapNGo 最著數大法
 

Tap & Go

消費 $150 (分三次) 送 $50
另外,Tap & Go 都推出咗新優惠,由即日起至 3 月 31 日,只要將「拍住賞」iCard 或者實體卡加入至 Apple Pay Wallet 或者 Android Pay,然後以 Apple Pay 或者 Android Pay 消費滿 $50 或以上三次,就可以獲到 $50 儲值額「利是」。

同時,而家可以用 Tap & Go 派利是,只要在指定「吉時」用 Tap & Go 派利是,就可以享有高達 $99 儲值額利是回贈。詳情可以留意住 Tap & Go Facebook 專頁

勁過信用卡,回贈 50% 消費額!教你用支付寶 HK、WeChat Pay、TapNGo 最著數大法