唔使再葡萄！Apple Watch 3 LTE 數碼通都用得！幾時到 CMHK？

左定坤 (Cho Ting Kwan) 2018-03-30 22:48 | 科技新知

有一件產品，版主一直都好想玩，但無得借，無得玩；一直好想買，但又窮，唔捨得。無錯，講緊嘅係 Apple Watch 3 LTE，之前淨係得 csl. / 1010 先用得到，非 csl. / 1010 客戶，就只能葡萄。不過下星期開始，呢個局面將會變得不一樣，因為再有多一個網絡商，支持 eSIM。想知更多，睇下文啦！



標題都已經提到，這個網絡商就是數碼通，今日發出電郵通知客戶，將於下星期三，即 4 月 4 日，正式發售已加入內置流動網絡功能的 Apple Watch 3 LTE。終於，eSIM 開始漸漸普及，不再是 csl. / 1010 獨享，數碼通客戶唔使再葡萄了。而繼 csl. / 1010 同埋 SmarTone 之後，3HK & 中國移動香港 CMHK，幾時先有份加入戰團呢？用緊 3HK & CMHK 的網友，你哋有無好期待未來有得用呢？

溫馨提示一下啦，如果你買左 Apple Watch 3 LTE，想啟動流動網絡功能，就需要先將 iPhone 更新到 iOS 11.3，並且使用 watchOS 4.3 版本，咁你先能夠同 Watch 應用程式進行配對。