未落樓先 Order!  教你用「麥當勞」App 手機叫餐 免排隊免等大法

2018-04-03 15:44
其實版主好憎人話香港 Fintech 好落後,中國大陸有微信、有支付寶,連「叫雞」都可以用,好勁呀!係人都知,香港用家一早享用晒信用卡 Payment 嘅方便,加上 Apple Pay、Google Pay 都唔少人用,我話唔係最好,都唔叫落後。落唔落後,其實睇你肯唔肯用,好似用「麥當勞」App 手機叫餐,唔駛排隊、唔駛輪自動販賣機,係手機篤篤就揀晒嘢食,俾晒錢,等餐到。版主教埋你一個絕招,未落樓先 Order,入到老 Mac 餐即做起!呢 D 先叫潮!你用過未?

未落樓先 Order!  教你用「麥當勞」App 手機叫餐 免排隊免等大法

其實三個月前,版主已發現香港麥當勞已可以用手機落  Order 叫餐。唔係「麥麥送」外賣,係餐廳叫餐。 By pass 咗櫃枱、自動販賣機,你可以係手機用 「麥當勞」App 點餐同俾錢,之後再等餐出,全程唔駛排隊!叫餐都快過人。

要手機落 Order 叫老麥,首先你要去 Apple Appstore 或 Google Play Store 下載「麥當勞」香港呢個 App (下載連結:Android | iPhone),做一次會員登記,就可以叫餐。「麥當勞」App 叫餐程序,其實跟自動販賣機無乜分別,同樣可以點餐廳裡面全部食物飲品,仲有「少冰」「走醬」等細項選擇。

用手機叫餐,有幾個好處:

001: 格最平價。大家都知老麥定價好有趣,單叫未必貴過叫餐,用 App 你可以試完唔同嘅組合,試到最平才confirm,無人係後面排隊,你計到盡先落 Order 都 OK!

002:儲起我的老麥最愛。版主聽過,某記者去快餐店食飯永遠只叫同一款配搭。若果你都係呢類「Forever 豬枊強+細可樂」嘅人,呢個 App 可以幫你 Save 低做「我的最愛」,咁你以後可以極速叫出「豬枊強」組合啦!

003:手機 App 仲可以幫你記得你叫過的每一餐,你係咪窮到餐餐 24 蚊餐,定係日日都食 signature 貴包,一次過記錄晒。

未落樓先 Order!  教你用「麥當勞」App 手機叫餐 免排隊免等大法
▲ 「麥當勞」App 裡面,有晒現時有得叫嘅餐單及食物資料同組合賣價。

未落樓先 Order!  教你用「麥當勞」App 手機叫餐 免排隊免等大法
▲ 用 App 訂餐,除左信用卡付款外,都可以揀用現金嘅。
 


用 QR Code 確定  Order

用 麥當勞 App 揀完餐到俾錢。你可以選擇用信用卡係手機攪掂,接受 VISA 、Mastercard 同 JCB,仲可以 Save 低常用卡,唔駛下下再入 Card Number。最後一個 Step 就係要掃 QR Code。暫時來講,呢個 QR Code 會貼係入口當眼處,你用手機照一照呢個 QR Code,Order 就會 Confirm,你即時收到 Order Number。份餐做好,你就可以跟 Order Number 取餐了!

未落樓先 Order!  教你用「麥當勞」App 手機叫餐 免排隊免等大法
▲​ 訂餐最後一步,就係要照一照門口「訂餐簽到處」嘅 QR Code。將來,麥當勞可考慮將呢個 QR Code 貼在枱上,咁你可以坐底再慢慢叫餐!
 

版主教路,慳時間大法

版主了解過,其實分店門口 QR Code 代表一間老麥,假設你去開朗豪坊辦公大樓返工,又去開朗豪坊個間老麥,你有兩部手機,可以用副機影低個門市 QR Code 作記錄。係 Office 裡面,你未出門口,已可以幫全 Office 同事叫單,最後再照之前影低嘅 QR Code,咁呢間老麥即時同你造餐。你再慢慢落樓下,去到門口,話唔定要整好晒,等緊你。呢個先叫超級方便呀!

未落樓先 Order!  教你用「麥當勞」App 手機叫餐 免排隊免等大法
▲​ 照完 QR Code,仲可以揀堂食定外賣,以上面 Case 來講,當然係外賣之後,手機會收到訂單號碼。你用呢個號碼去取餐就可以啦!

未落樓先 Order!  教你用「麥當勞」App 手機叫餐 免排隊免等大法
▲​  即日登記仲有優惠架! 按呢到就知


麥當勞 App 下載資訊

Android / iTunes
多謝支持 ePrice.HK
發表於 2018-04-03 23:03
2 樓
希望可以支援 Apple Pay