小米與長江和記合作!借「3」進軍歐洲

2018-05-02 19:34
香港港交所批準同股不同權公司在香港上市,第一間應該就係小米。小米,香港無人不識,賣平價手機,仲有小米盒子,令公屋亞叔都知道小米大名字,近年更推出大量智能家居產品。好唔好用,不是今次討論範圍。小米香港上市,有無得「炒」先係重點。可惜版主唔係財演,我真係分析俾大家知「好唔好去抽小米」,「你可以賺幾多」。版主估計及收風,佢地最新動作係進軍歐洲,點解咁講?

小米與長江和記合作!借「3」進軍歐洲


據消息指出,小米高層包括雷軍,真人已係香港,準備呢幾日在香港公佈 IPO 文件,正式預備在香港掛牌主板上市。與此同時,係 3/5 下午,佢地會同長江和記合組全球策略聯盟。版主 Search 過 Google News,似乎無乜人估到詳情係點?

根據版主收風及分析,今次跟長江和記合作,主要對像係「3」呢個品牌。3 香港係和記電訊香港旗下的香港及澳門手機網絡品牌,但 「3 」,其實係長江和記旗下歐洲多地的電信商,包括英國、丹麥、意大利、愛爾蘭、瑞典及奧地利,亞洲地區也有印尼。今次小米跟長江和記合組全球策略聯盟,相信小米會借「3」於歐洲各地大賣小米智能手機。「3」亦可在其門市、網店,大賣小米智能家居產品,配合電訊商的轉營。

小米與長江和記合作!借「3」進軍歐洲
▲ 3/5 的記者會,長江和記實業董事總經理霍建寧會出席,可見長江和記對今次合作好重視。小米方面,會係高級副總裁王翔出席。不過,據知雷軍其實都係香港。

值得留意嘅係,長江和記係香港公司,3 香港亦係其中一個網絡商,小米轉跟 3 合作,咁本來合作夥伴 csl. 安排又如何?會否 3 香港變為小米手機指定網絡商?版主亦同時收到風,長江和記旗下屈臣氏集團的豐澤電器,亦會係 3/5  正式開賣小米智能家居產品。

有咗李嘉誠家族公司力撐,今次小米於香港上市,會否又會超額認購幾多倍?
多謝支持 ePrice.HK