AlipayHK、WeChat Pay 買保險  最平每月 $14 有交易

2018-05-25 08:12
買保險往往都係希望令自己或家人多一份保障,但相信冇幾多人願意花寶貴時間聽經紀喋喋不休 Sell 保險,尤其係人工唔高唔打算再花一大筆,對保險經紀更加係避得就避。昨日中銀人壽就推出價廉而且方便的全新保險服務,客戶只需以手機就可以購買保險,而且月費比食餐老麥更加平。

AlipayHK、WeChat Pay 買保險  最平每月 $14 有交易

昨日發表的「隨身保危疾保險計劃」是中銀人壽特別為年輕人度身訂造,是涵蓋癌症、中風、心臟病三種常見疾病的危疾保險,中銀人壽宣稱這是香港首隻透過電子支付平台銷售的危疾保。客戶透過智能電話或其他流動裝置,就可以 AlipayHK 或 WeChat Pay 購買投保,客戶亦可以網上申請和信用卡支付保費的方式投保。

中銀人壽執行總裁老建榮表示,今次的危疾保險產品結構簡單,所以可以利用手機銷售,但如果保險產品涉及儲蓄成份,則由代理或經紀向投保人解釋比較適合。「隨身保危疾保險計劃」接受 18 至 60 歲香港居民投保,毋須驗身,保費每 5 年調整一次,投保額由最低 20 萬至最高 250 萬不等,每月保費最低只需 HK$14(18 歲非吸煙人士),以一個 35 歲男士投保額 HK$20 萬計算,每月保費約 HK$32,透過 AlipayHK 或 WeChat Pay 支付就可以。

資料來源:大公報