世界盃開波啦!去 7 仔入貨買零食用 AlipayHK 有著數

2018-06-14 11:48
四年一度世界盃今晚揭幕,由於比賽地點係俄羅斯,所以大部份賽事都喺香港晚上甚至深宵時間舉行。唔想一邊睇波一邊瞌眼瞓,當然要買齊啤酒汽水薯片零食,AlipayHK 就喺呢段時間同 7-Eleven 搞咗個優惠,無論係新用戶抑或現有用戶都同樣有著數。

世界盃開波啦!去 7 仔入貨買零食用 AlipayHK 有著數

即日起至 2018 年 7 月 31 日,只要登記成為 AlipayHK 新用戶,成功登記可以獲得價值 HK$10 的電子現金券 5 張作為迎新獎賞,喺香港 7-Eleven 所有分店消費,以電子錢包單一淨額付款滿 HK$20 就可以用得。至於現有客戶,透過電子錢包喺 7-Eleven 成功付款或增值,就可以獲贈專屬電子印花 1 個。每位用戶每日限獲贈 1 個,最多可獲 18 個。集齊 3 個專屬電子印花就可以換領 HK$5 電子現金券 1 張。每位用戶限換領獎賞 6 次,最高可享 HK$30 獎賞。