銀聯新著數!洗 HK$30 即減 $20,但你要新版「雲閃付」

虎仔 / 馬日山 2018-09-11 11:38 | 科技新知
點解用銀聯?說實,因為優惠多,匯率平!多一張銀聯卡,叫做大陸都可以碌到卡。當然銀聯本身唔會滿足於此,要跟 VISA 同 MasterCard 較勁,點做?張 QR Code 二維條碼支付引入香港。香港銀聯卡,即日支援「雲閃付」,即係銀聯版嘅 QR  Code 二維條碼支付!講乜都無用,優惠呢?洗 HK$30 即減 HK$10 夠唔夠,開戶仲立即打人仔去你嘅電子錢包,等你用來交中國大陸電話卡話費!都係一句,保唔保安不是重點,最重要支付工具要派錢!

fb-union.jpg

銀聯雲閃付,是 App 不是信用卡
「銀聯雲閃付」是手機版的銀聯卡,呢個手機 App 是中國銀行業統一移動支付工具,在中國大陸當然有很多商戶支持,日前銀聯宣佈在香港和澳門推出服務,只要在 App Store 或 Google Play 下載和安裝雲閃付 App,然後綁定香港發行的銀聯卡,就可以在香港、澳門、大陸,以至其他國家支援的商戶,以 QR Code 二維碼掃碼或 in-app 方式付款。

首階段「銀聯雲閃付」手機 App 支援的香港銀行包括:中國銀行(香港)、交通銀行(香港)冇中銀或交行銀聯卡的香港網友就要等等,銀聯說遲下有更多香港銀行加入。銀聯卡本身可以係信用卡或提款卡,要知道你間銀行支援到邊款銀聯卡,最好你問一問吧。


買三十即減二十好誇張

為了吸引用戶使用雲閃付手機 App,銀聯亦重手提供優惠。

001: 由即日起至 10 月 14 日,於味千拉麵、啟泰、Maple、實為家居、太興、商務印書館、位元堂指定分店(詳細地點留意 App 內資料)消費滿 HK$30 即減 HK$20 (以掃銀聯二維碼方式消費)

002: 由即日起至 10 月 31 日推廣期內綁定指定銀聯卡,並以掃銀聯二維碼方式消費,就可以獲得價值 88 人民幣的紅包獎賞。

003:88 人民幣有乜用?跨境支付,係電訊商網站為手機話費充值 (例如唔少人用嘅大陸手機上網卡)、旅行前在訂房網站支付酒店住宿費用,甚至是停車場繳費等等。



0911-5e.JPG 0911-5a.JPG

 

最新新聞