免出門!唔使搵 7-11!三步即時銀行轉賬至八達通

2018-09-28 21:00
好重要,講三次!Mark 低日子,9 月 30 日,我哋終於可以隨時隨地,就算安坐家中,都能夠增值八達通!多謝香港金融管理局,推出咗快速支付系統「轉數快」(FPS),打通哂全港大部份銀行、電子支付工具,轉帳過數可以做到即時 KO,係方便嘅。以往我哋要增值 O!ePay,一係就去 7-11 增值,一係就透過銀行過數,但銀行過數本來係無得即時處理,不過 9 月 30 日開始,唔使再等,即時完成增值。

免出門!唔使搵 7-11!三步即時銀行轉賬至八達通

以往假設我哋已經透過八達通 App 與指定銀行設定咗直接付款授權 (DDA),然後由銀行賬戶轉賬去 O!ePay 賬戶時,若果轉賬請求係於工作天下午 3 時前發出,一般情況下會在 2 個工作天後先會存入你的 O!ePay 賬戶 (據我所知,本身係得渣打銀行做到即時轉賬)。然而,一旦 9.30 「轉數快」正式啟動後,就唔理你係唔係渣打,就算匯豐、恆生等等,都能夠透過 FPS 即時過數到八達通 O!ePay 戶口。

咁以後要增值八達通,就唔使理 O!ePay 帳戶入面有無錢,就算無錢都唔使再左搵右搵 7-11,只需直接在八達通 App 內,將錢由任何一間參與「轉數快」的銀行,轉賬至 O!ePay 帳戶內,就可以隨時隨地增值八達通都得。不過在此都要提提大家,用八達通 App 增值八達通,你係需要一部支援 NFC 的 Android 手機,而如果你係用緊 iPhone 的話,就要另外買個八達通流動讀寫器,賣價為 $168。
 


銀行轉賬至 O!ePay 教學

1. 在八達通 App 內會加入了「轉數快」的選項,按進去會見到「銀行轉賬至 O!ePay」。
免出門!唔使搵 7-11!三步即時銀行轉賬至八達通

免出門!唔使搵 7-11!三步即時銀行轉賬至八達通

2. 你可以選擇返你的銀行戶口,例如揀匯豐銀行,隔離會見到括住咗 FPS。
免出門!唔使搵 7-11!三步即時銀行轉賬至八達通

3. 輸入增值金額,按轉賬,然後就能夠即時完成過數。
免出門!唔使搵 7-11!三步即時銀行轉賬至八達通

完成以上步驟,你 O!ePay 帳戶內有錢,就可以揀返「增值及轉賬」,由「O!ePay 轉出至八達通」,打返金額,就可以透過NFC / 八達通流動讀寫器增值。
 


「轉數快」快速支付系統 /FPS 攻略

懶人包!香港人一定要識!一文即懂用「轉數快」過數
立即登記「轉數快」FPS! 一文睇晒銀行、電子錢包優惠
「轉數快」FPS 係咪咁方便?3 個你要知嘅麻煩與問題
鬥 WeChat Pay,飛甩「支付宝」!香港人返大陸可用支付寶 HK!
免出門!唔使搵 7-11!用「轉數快」三步銀行轉賬至八達通