「轉數快」FPS 係咪咁方便?3 個你要知嘅麻煩與問題

2018-09-29 20:58
9月30 日,香港為變成「現金化」社會踏出了一大步!由香港金融管理局作中介嘅「轉數快」正式啟動,以後各大參予銀行及電子錢包之間,可以實時 7/24 轉錢,而部份更加入付款及付費工具。不過,係咪你想像中咁方便?中間有無私隱及麻煩嘅野?等版主數俾大家知!

「轉數快」FPS 係咪咁方便?3 個你要知嘅麻煩與問題

001:電子錢包全實名
要用到「轉數快」,我哋之前介紹文章都講過,係要實名的,即係你要交出你的身份證 Copy 甚至住址證明。係香港銀行開戶口,其實全數都係實名。但電子錢包唔同,最出名嘅八達通你去買,再儲值就用得,而旗下嘅 O!ePay、HKT Payment 嘅 TapNGo,WeChat Pay、支付寶 HK,其實本來只要登記手機號碼或電子郵件已可以用到。但要打通「轉數快」全部都要升一級,提供身份證或地址證明!實名,可能你不介意,但香港不少社運、政界或商人不想自己洗錢紀錄,甚至行縱可以給人追查到,咁「轉數快」就唔係好合適。

「轉數快」FPS 係咪咁方便?3 個你要知嘅麻煩與問題

 


002:大額過數未必得

香港金融管理局設立「轉數快」本來係無每日、每月過錢嘅限制,但個別電子錢包,甚至銀行就有限制。記得有網友係我哋介紹「轉數快」文章下面有問:我係 A 銀行出糧,習慣過數去 C 銀行,家陣可以用「轉數快」處理嗎?呢個問題,好睇你用緊嗰間銀行,有無設限。據知 HSBC 匯豐把「轉數快」過數,定位為小額過脹 ,每日最多一萬。呢位網友若果用 HSBC 出糧,段估佢人工都會過一萬,就要分幾次先完成到。所以,網友係用「轉數快」之前,最好問一問銀行每日過數嘅限額,唔好唔清唔楚,過唔到數俾人就出事啦。

「轉數快」FPS 係咪咁方便?3 個你要知嘅麻煩與問題

 

003:用「轉數快」都可以隱身

雖然,「轉數快」支援用手機號碼或電郵地址過數,好似好方便。但唔少網友好似版主咁,有好多個手機號碼,處理唔同嘅事,轉數個陣要俾手機號碼人,未必一定咁方便。事實上,更改你係銀行與電子錢包嘅手機號碼,未必咁易,以銀行為例,多數要你分行填表入紙,都未必咁快得手。咁點攪好。若果有向部份銀行登記「轉數快」,已知包括匯豐及恆生,除了可以啟動手機號碼、電郵地址,亦會啟動埋一個叫「快速支付系統識別碼」。三個登記,都可以指向自家三個不同戶口,如由手機號碼過數,會進入支票戶口,由電郵地址過數會進入 Saving 戶口等。若你不想自已聯絡方法給對方過數,其實都可以叫推方把錢轉入「快速支付系統識別碼」,你一樣可以收到錢。不過,唔係間間銀行,支付工具都會俾你加人「快速支付系統識別碼」,用邊間銀行好,大家又要留意清楚了。

「轉數快」FPS 係咪咁方便?3 個你要知嘅麻煩與問題

 


「轉數快」快速支付系統 /FPS 攻略

懶人包!香港人一定要識!一文即懂用「轉數快」過數
立即登記「轉數快」FPS! 一文睇晒銀行、電子錢包優惠
「轉數快」FPS 係咪咁方便?3 個你要知嘅麻煩與問題
鬥 WeChat Pay,飛甩「支付宝」!香港人返大陸可用支付寶 HK!
免出門!唔使搵 7-11!用「轉數快」三步銀行轉賬至八達通


 
多謝支持 ePrice.HK