支付寶 HK 挑機八達通!小巴畀錢邊個最快

2019-01-28 20:59
好威威呀!今日支付寶 HK 終於可應用係香港嘅公共交通工具上,係指定嘅緑 Van 小巴畀錢,唔駛一定再用現金或者八達通呀!不過,早前版主虎仔都講咗,其實有伏!想知就睇番篇文,不過咁,支付寶 HK 呢套「易乘碼」(EasyGo)系統,唔好睇少佢,已成功入 Bid 港鐵,好快大家搭港鐵系統,等香港人、大陸人都用支付寶畀錢過閘,所以呢套嘢,係咪咁好用,都係大家關心。你唔用,人地用,阻住你就好唔好啦。咁,版主又好公平嘅,今日試過用支付寶 HK 「易乘碼」(EasyGo)係小巴上應用,想知道我最後會否畀佢負評?齊齊睇。

支付寶 HK 挑機八達通!小巴畀錢邊個最快

想知道 支付寶 HK 「易乘碼」(EasyGo)系統,係香港邊到地方可以用到佢畀小巴錢,可以 Click 番呢到!可以講嘅係,支付寶 HK 今日都有透露,唔指一間小巴營運商簽左合作協議,好快會有公佈第二間,呢間仲要以九龍線為主,九龍、新界人要多多留意。
 


要用支付寶 HK 「易乘碼」畀錢,有乜要注意?


001:當然要有一部上到網嘅手機,安裝咗支付寶 HK (香港版,香港版,香港版) 講三次

002: 用支付寶 HK 「易乘碼」(EasyGo)系統,係唔需要為你嘅支付寶 HK 做實名,即係你太空卡開戶,都得。版主成日講,若果你好怕支那乜乜乜...sorry 係資安乜乜乜..... 其實兩大中國大陸引入嘅支付工具,好多 Jetso 同用途,都唔一定要實名,我會用第二部手機,用dummy google 戶口登記。有著數,要全食,反正佢地大把推廣費,有方便梗要用!

003:除左去 7-11, OK 便利店入錢,仲可以掛上預付信用卡。

004:更新最新嘅 支付寶 HK App,係裡頭嘅 Icon 會見到 「易乘碼」,每次要用  支付寶 HK 畀車錢,你都要入呢一頁。

005:第一次用,你要同意 Terms and Conditions,輸入支付密碼先可以啟動到。

006:每次畀車錢,都要開出 「易乘碼」Easy Go 嘅 QR Code,用個芒,對住車上面吧「易乘碼」機就可以。

007:成功嘅話,就會聽到好似DO 八達通成功嘅 Do 一聲,攪掂。


支付寶 HK 挑機八達通!小巴畀錢邊個最快
▲係支付寶 HK App 入面會見到「易乘碼」,按入就可以畀錢。


支付寶 HK 挑機八達通!小巴畀錢邊個最快
▲ 呢個就係「易乘碼」,用佢來 Do 上車。

支付寶 HK 挑機八達通!小巴畀錢邊個最快
▲ 上唔到網 30 秒左右,連「易乘碼」都出唔到,點畀錢呢?
 


快唔快先? 

支付寶 HK 聲稱,用「易乘碼」(EasyGo)系統,只需 0.3 秒就完成畀錢。呢方面,版主今日試過,係無錯嘅,只要你上車前,開到易乘碼」Easy Go QR Code 嗰頁。咁由你進入支付寶 HK,去到「易乘碼」(EasyGo)系統,又耐嗎?版主用 Birde 128kbps 網速去試,其實都係 5 秒左右,就算你最後一刻去開 App ,都唔會太阻時間。若你成日用,照計支付寶 HK 都會放在你習慣按出來嘅位置啦。

咁支付寶 HK 講,可以係手機離線情況都用到,係點呢?版主試過,佢哋講嘅離線,其實只係暫時上唔到網,但只要長時間,約 30 秒左右,其實「易乘碼」QR Code 係出唔到來,無 Code 點畀錢?跟三星手機 Smart Octopus 直頭關了手機都 Do 到八達通,上唔到網,都有次數限制嘅 DO 到,係兩件事來。


 

小結:

小試後,版主覺得,只要你用慣咗支付寶 HK,可以好快開佢出來,其實上車畀錢嘅速度,唔會慢得過八達通,而「易乘碼」(EasyGo)系統機,個 QR Code 讀取器位置都夠大,個芒隊埋去就 Do 到,唔會好似 McDonald 自助售賣機個款,要攪來攪去先 OK。所以未來「易乘碼(EasyGo)系統用係港鐵嘅情景,應該不會太影響其他要趕時間嘅人。

 
多謝支持 ePrice.HK