點拎政府交通補貼?原來用呢部手機,最快、最方便

左定坤 (Cho Ting Kwan) 2019-01-31 15:51 | 科技新知
相信大家都知道,由 2 月 16 日開始,終於都可以有得拎政府的交通津貼,過 $400 就有得拎,真係好鬼難得架啫,版主我今個月都有得拎......$25,都夠買個 M 記嘅。大家有無不時喺個八達通 App 度,留意住自己交通費洗咗幾多,有幾多可以 Claim?無的話,就要特別注意點先可以最方便拎到津貼了!睇下文啦!

octopus(Facebook).jpg

Samsung Pay Smart Octopus 用家
計我話其實最方便莫過於用 Samsung Pay Smart Octopus 的用家,因為佢哋可以每個月 16 號淨係透過八達通 App,就可以領取到上一個月的公共交通費用補貼,領取到嘅金額會直接存入你的 Samsung Pay Smart Octopus,既唔使排隊或者到指定「補貼領取站」換領,甚至乎連八達通都唔使拎出嚟,一部電話搞掂哂,係爽嘅。

Samsung Pay_Smart Octopus.jpg

其他支持 NFC 的 Android 手機用家 / 具有八達通流動讀寫器的 iPhone 用家
使用其他支持 NFC 的 Android 手機,或者具有八達通流動讀寫器的網友,你哋係屬於次方便的一群,同 Samsung Pay Smart Octopus 用家一樣,都係需要透過八達通 App 領取補貼,不過就要做多一步,就係拎埋張八達通出來拍卡,將補貼金額傳到你的實體八達通內。

無 NFC 的 Android手機用家 / 無八達通流動讀寫器的 iPhone 用家
如果你係「雙無」的網友,咁你就麻煩了。點解?因為你要每次領取補貼,都要特登走去港鐵站、輕鐵客務中心、指定渡輪碼頭內的「補貼領取站」,又或者任何一間 7-11、OK 便利店、惠康、八達通服務站領取。

kiosk_mockup_blue.png


最後,有一點八達通公司要提醒大家,嚟緊農曆新年假如果大家要去旅行的話,無論係出國旅行坐機場快綫買來回票或者團體票,甚至留港消費買假日來回票坐船去離島玩,都要記得喺購買該等指定車船票種時向營辦商職員出示八達通或者透過「指定車船票自助登記站」進行登記,咁先可以之後領取公共交通補貼。
 

最新新聞