隨身測空氣質素! Atmotube PRO 評測

2019-02-22 00:12
文章分享
話說版主 Keith 一向有氣管問題,最近才因為空氣污柒問題病足七日!你信天文台空氣污柒指數嗎?我就唔信了。剛剛好,呢間公司 Send 咗個隨身測空氣質素小儀器畀我,呢個叫 Atmotube PRO 嘅小東西,原來是隨身天氣儀,隨了氣溫、濕度外,連會入直接入肺傷身嘅 PM2.5 及 PM1.0 數據,都可以幫你測埋!

隨身測空氣質素! Atmotube PRO 評測
 

開箱


隨身測空氣質素! Atmotube PRO 評測
▲呢個小箱子,就係 Atmotube PRO 真身。

隨身測空氣質素! Atmotube PRO 評測
▲佢以 USB Type C 充電,裡面已有 2000mAh 電池,大約充一個鐘左右就充得滿,大約用大半日左右。

隨身測空氣質素! Atmotube PRO 評測
▲Atmotube PRO 以藍牙 BLE 5.0 跟 iPhone 或 Android 手機連接,用 App 睇不同嘅空氣質素數據。(P.S. 三蕃市空氣質素,真係比香港好好多,指數有 93,下面有香港嘅空氣質素實測)

隨身測空氣質素! Atmotube PRO 評測
▲若果無 App 係手,呢粒燈係可以變色嘅,都可以顯示到環境嘅質素。下面兩側唔係揚聲聲呀!呢 D 開窿位,其實係讓空氣流入 Atmotube PRO 架!

隨身測空氣質素! Atmotube PRO 評測
▲跟機已小夾仔,可以畀你 Atmotube PRO 掛係袋。

隨身測空氣質素! Atmotube PRO 評測

▲這就是 App 介面第一版,可以見到 Atmotube PRO 畀你嘅空氣質素分數,呢個分收是將佢地量度嘅幾個指數 VOCs, PM1, PM2.5 及 PM10 綜合分數,亦有分數嘅解釋 (暫時英文版本比較全面,中文只能釋到部份資料)

隨身測空氣質素! Atmotube PRO 評測
▲另一頁係氣壓資料,可以用來預測會否有急劇天氣變化,或者會否好快有雨落。

隨身測空氣質素! Atmotube PRO 評測

▲另一頁就係氣溫與濕度。呢個 App 亦會話你知乜野氣溫與濕度嘅組合,是令人最舒服嘅情況會係點。

隨身測空氣質素! Atmotube PRO 評測
▲若果預到極差嘅空氣質素,呢個 App 更會發出響聲,警告你快快離開!
 

測乜架?


Atmotube PRO 除了氣溫、濕度與氣壓,空氣質素部份,可以測到乜呢?
VOC:VOC 值,即 Volatile Organic Compounds。根據說明書,VOC 是一些由辦公室設備,植物甚至是家中的傢私造出的氣體,亦包括空氣中的塵與毛髮等。VOC 值越高,越會影響我們的心肺系統。

PM10, PM2.5, PM1 : Paticulate Matter,即空氣粒子,10,2.5,1 代表它們的大細,以 micron 為單位。香港環保處佈嘅空氣質素指數,都有用上 PM2.5 值作其中一個參考指標,PM2.5的直徑只有2.5微米,僅及頭髮直徑的二十八分之一,能穿透口罩和鼻毛,直達心肺,嚴重影響公眾健康。醫學界早有共識,指 PM 2.5 為對人體影響甚鉅,可穿透人類的過濾系統,根本避無可避,因此社環保團體「香港地球之友」視之為「最陰毒」的空氣污染物。數值越大,越嚴重。
如 PM10 125 ug/ m3、61ug / m3 就是危險水平。版主就係旺角街頭垃圾桶附近遇著二手煙,當時的 PM 水平立即超標,可見二手煙,比起加陣汽車癈氣更加得人驚!
 

環境實測


隨身測空氣質素! Atmotube PRO 評測
▲001:先在我屋企測下!呢日係 2 月 13 日,天氣不錯,我家嘅指數有 88 是良好的呀。

隨身測空氣質素! Atmotube PRO 評測
▲002:跑出旺角又如何?大約是下午五點半左右,指數都有 72,留意三個 PM 指數,大約 22 左右,跟當天天文台嘅預告差不多。

隨身測空氣質素! Atmotube PRO 評測
▲003:係旺角港鐵站行人隧道內,空氣質素原來唔多好,指數得 68,PM 數據都比室外高。

隨身測空氣質素! Atmotube PRO 評測
▲004:去到大堂,空氣質素都唔可以用良好來形容,只係中等咋。

隨身測空氣質素! Atmotube PRO 評測
▲005:以旺角來講,大馬路只要無車經過,空氣質素還可以,但去到內街,小心垃圾桶!點解,因為好多吸煙人士出沒,空氣質素係可以去到好差!

 

Atmotube PRO 規格

重量: 105g
尺吋: 86 х 50 x 22mm
連接:BLE 5.0
感應器: VOC sensor、PM1/PM2.5/PM10 sensor、溫度、濕度及氣壓 Sensor
充電口:USB Type-C
電池:2000mAh 內置式

Atmotube PRO 建議零售價為 $189 美金,若 HK$1474, 即日預售,四月發貨。想入貨,可按呢到
多謝支持 ePrice.HK
文章分享
您可能也喜歡▼