免實名,查唔到金主!八達通推 O!ePay mastercard 卡

2019-03-11 14:58
文章分享
八達通會係其電子錢包 O!ePay 新增虛擬 Mastercard 都講咗好耐,今日 11/3 正式推出!電子錢包內有 mastercard ,對於香港人來講,唔算新鮮事。咁呢張卡最大優點係乜:就係不用實名,都可以用嘅 mastercard 儲值預付卡!講究私隱嘅網友,想用信用卡網上買嘢,又唔想有權貴 Check 到,呢張卡幫到你!另外,HKT Payment 嘅 Tap N Go 早幾年已做。今次八達通用番同一招,有乜著數?版主話你知。

免實名,查唔到金主!八達通推 O!ePay mastercard 卡

 

簡單一句:除咗唔駛實名,O!ePay 虛擬 Mastercard 跟  Tap N Go 無大分別,技術與配套來講,o!ePay 配套差過 Tap N Go。


001:要開 O!ePay 虛擬 Mastercard,好簡單,App 裡頭大大個 mastercard logo,按入就會申請得到,之後,你會有一個 mastercard 號碼,仲有安全碼。

002:O!ePay 虛擬 Mastercard 是可以不用實名,因為 O! ePay 人門版 O!ePay Lite 都可以申請到,O! ePay Lite 只要電郵地址及手機號碼都申請得到,事但一個 gmail、一張太空卡攪掂。只係每年可用額會比較少,O!ePay Lite 開通嘅虛擬 Mastercard,每年最多只可有 HK$8000 消費額;而 O!ePay Plus (用身份證實名)級別嘅虛擬 Mastercard ,每年最多有 HK$100,000 消費額; O!ePay Pro (「八達通自動增值」服務用戶或個人八達通持卡人或渣打銀行存款戶口客戶)級別嘅虛擬 Mastercard ,每年最多有 HK$1,000,000 消費額。

003: O!ePay 虛擬 Mastercard,跟 Tap N Go 一樣,是預付卡,要你嘅 O!ePay 戶口有錢先可以用得到。

004:跟 Tap N Go 一樣,O!ePay 都加入了「轉數快」,係 O!ePay 實咗名,你可以好方便轉錢入去,想知有幾方便,版主有文章講過,可按呢度。。

005:O!ePay 與 Tap N Go 嘅 Mastercard 都享用到 mastercard 本身嘅安全系統,例如 Mastercard seurce code,一樣可以設定最高付款額,一樣可以把 mastercard 功能開與關,就算不幸有人知道你嘅 mastercard 號碼,只要係手機 off 左佢就 OK。

006:跟 Tap N Go 嘅 Mastercard 預付卡,有乜唔同。O!ePay 虛擬 Mastercard 係無實體卡 Option,你只可以用佢係網上世界買嘢。另外,呢張卡不似得 Tap N Go 可以掛上 Apple Pay 與 Google Pay。係呢部份,真係落後於人。
 

咁有乜優惠?

001: 即日至 12 月 31 日,外幣交易無 FX Mark Up,即係乜?用 mastercard 用外幣畀錢,本來有手續費,加陣幫你 Wavie 左,去海外 Online 先最抵!

002: 即日至 6 月 30 日,首二萬名客戶累積消費額滿 $200 或以上,有 $50 回贈。


免實名,查唔到金主!八達通推 O!ePay mastercard 卡
▲ o! ePay Mastercard 是可以 On 與 off 吧。因為版主嘅 O!ePay 實咗名,每次可買 $6000 蚊嘢,但若果唔實名,每次最多買 $3000 嘢。


免實名,查唔到金主!八達通推 O!ePay mastercard 卡
▲ 你都可以調控每次最多畀幾多錢


免實名,查唔到金主!八達通推 O!ePay mastercard 卡
▲ Sorry! 呢張 mastecard 加唔到去 Apple Pay! 可惜。
 
多謝支持 ePrice.HK
文章分享
您可能也喜歡▼