【小心】香港網友不慎中招! 哭訴 WhatsApp 賬號三秒內被盜

2019-03-30 10:42
文章分享
通常好事不出門,壞事就要傳千里。 壞事廣傳的作用係警惕其他人,避免齊齊中伏。 早幾日本 YK 收到一位朋友求助,叫我幫手復原佢 Whatsapp 賬號,殊不知後面抽絲剝繭發現,原來在廣大的關係網絡裡面,早已經「 一傳十、十傳百」咁出事:有人失去 Whatsapp 賬號控制權,有人失去金錢。 所以,本 YK 決定出文提醒大家,以減低出事機率!

【小心】香港網友不慎中招! 哭訴 WhatsApp 賬號三秒內被盜

故事是咁的:一個風和日麗的下午,正當 本 YK 係公司嘆緊下午茶時,某某朋友突然問我身在何處,本人如實告之,然後就發生對話如下:

【小心】香港網友不慎中招! 哭訴 WhatsApp 賬號三秒內被盜
▲ 各位網友都知道樂於助人的 me 肯定好樂意協助朋友驗證,所以拿拿聲打開個 SMS 睇睇到底乜玩法。

【小心】香港網友不慎中招! 哭訴 WhatsApp 賬號三秒內被盜
▲ 一打開個 SMS 睇,奇怪喔,點解會變成 me 的 Whatsapp 代碼?  仲提醒 me 唔好同人分享代碼!?嘿嘿。

於是我就叫呢個「朋友 」打電話過來,果然無反應。。。 所以我打過去,朋友一聽電話就哭訴自己 Whatsapp 比人搶走左,然後再問深入少少,佢朋友圈(其實都係 me 的朋友圈子)裡面已有幾個人中伏:比左個代碼出去、幾秒鐘就失去 Whatsapp 賬號控制權,其他轉錢比騙徒的朋友又有,然後騙徒就會利用下一個。皆因「 香港人的熱心」被利用了。

本 YK 知道唔少 ePriceHK 讀者非常聰明、又有智慧,遇到呢類騙案肯定唔會中伏。但一般中伏係老人家、老豆老母、最愛睇長輩圖的長輩們,作為年輕有愛的新一代,好應該提醒下佢地小心中伏,避免佢地的損失導致我地的損失。因為呢類案件,難聽 D 講你報警都係無用,警察都幫唔到你幾多,預防 + 自救先係皇道!

咁可以點樣防止呢類慘劇發生? 唔好比任何資料「 朋友」,包括密碼、驗證碼。亦唔好利用 即時通訊軟件發送銀行資料,哪怕係熟悉的人。 真係有必須發相關資料,對方收到後最好刪除埋對方的記錄。

如果身邊的用家對呢類警覺性唔高的話,記得幫佢地的 Whatsapp 設定 Two-Step verification ( 雙步驟驗證 ),加多一個得你知的密碼,騙徒就好難搶賬號。 得閒就裝多幾個通訊工具,例如 Telegram 之類。咩話? 用 Wechat 點算? 呢種 App 放棄治療吧。
 
文章分享
您可能也喜歡▼