【更新】實測:舊有教學統統無效! 新系統 BNO 續領 / 補領更簡單

2019-04-13 14:24
各位香港人留意喇,英國的 BNO 網上申請系統有大變動! 如果你呢排有意重新續領、或補領新 BNO 護照,就會發現網絡上以前一大堆教學都會唔同樣、跟唔到呢堆教學做申請! 以前無領過點算? 過期又點算? 唔見又點算? 新的官方網站簡潔清晰,等本 YK 率先登入申請實測!

【更新】實測:舊有教學統統無效! 新系統 BNO 續領 / 補領更簡單

首先鄭重聲明,本文章並不鼓勵、但不阻礙任何人自願申請或不申請 BNO 護照的意願~ 呢次英國搞個新 Online 系統,明顯係為了脫歐之後的行政而搞。咁 BNO 作為英國其中一款護照,自然都受到影響。 本 YK 本來都想續翻本 BNO,睇住堆網上教學就發現貨不對版,界面變得面目全非,但細心發現界面變嗮之餘亦簡單左好多。


申請條件:
其實好多人轉用特區護照,皆因比任何發達國家都要低幾倍的售價,而且免簽地方都足夠普通人玩,所以 BNO 自從 1997 後,唔少人都將之慢慢淡忘。但最近幾年又唔知點解大家開始又有興趣申請翻,包括本 YK 都有種莫名其妙的申請感動。咁乜人可以申請呢? 

其實 Google 後你都會知道,要係 1997 前申請過 BNO 先有資格再申請 / 補領 / 再領之類,已經唔再接受新的香港人申請了。如果唔清楚自己有無資格,上去英國官方申請一次就知道。咁有唔少朋友都話,我以前有但唔見左,點算? 其實,BNO 呢個資格係跟你一世,除非你自己取消,所以唔見本小紅書你都係符合資格的。

至於 1997 年 7 月後出生的網友,遺憾地說你不符合資格。但仲有另一個申請條件,就係你英文要有翻正常人類水平( 達到 I GO TO SCHOOL BY AIRBUS 呢種應該都足夠),因為申請 BNO 的網站係全英文。當然,你都可以用 Google 翻譯輔助。。。。


申請準備:
其實每一個申請個案都係獨立,意思係每個人需要提供的文件和資料都不一樣,根據你的情況和條件,新版的官方 Online 系統會話你知,到底你需要乜文件,以及點樣處理申請,所以基本上唔需要擔心。下面係你需要準備的東西:

1)有一本已經過期的 BNO,但沒有被剪角;
2)一部相機色準的手機 / 相機以及一個識影相的人;
3)如果有的話,請準備你老豆、老母、甚至祖父祖母、外祖父、外祖母的個人、婚姻資料;

【更新】實測:舊有教學統統無效! 新系統 BNO 續領 / 補領更簡單
▲ 最新一次更新係 2019 年 2 月,英國的官方網站有埋教學,請你到這裡詳細閱覽。

【更新】實測:舊有教學統統無效! 新系統 BNO 續領 / 補領更簡單
▲ 打開正體中文的教學,睇完覺得非常簡單,你需要什麼文件、做什麼動作,這一頁全部都齊全基本資料。請用官方網站叫你輸入網址,唔好自己係邊度 Content Farm 亂申請,隨時出事!

【更新】實測:舊有教學統統無效! 新系統 BNO 續領 / 補領更簡單
▲ 新的護照申請官網,截稿時候仍然處於 Beta 版本,如果唔好彩遇到 Bugs 都好平常; 你跟著 Steps 入去就搞到。

【更新】實測:舊有教學統統無效! 新系統 BNO 續領 / 補領更簡單
▲ 如果你遺失舊的 BNO 護照,需要填寫 LS01 表格,視乎情況是否需要提交政府的保失記錄。 

【更新】實測:舊有教學統統無效! 新系統 BNO 續領 / 補領更簡單
▲ 回答左幾條問題之後,官網會判斷你需要做什麼類型的申請; 以本 YK 為例子,我最後一本 BNO 有效日期已經是 2006 年,歷史久遠,所以官網判斷係一個 Renewal 更新性質的申請,前後需要搞 4 個星期左右;跟著後面就人人不同,八仙過海時間了。

【更新】實測:舊有教學統統無效! 新系統 BNO 續領 / 補領更簡單
▲  幾有趣的是,可以選擇這個免費自拍方案,這也是促使我樂意繼續申請程序的原因之一。因為唔需要跑落街比錢影證件相,用一部色準的手機 + 白色牆壁就已經可以上載到我的申請中;相比為了遷就國家級人面識別系統,從而提高證件相門檻規格的做法,英國佬呢種方案確實便民又利民。

【更新】實測:舊有教學統統無效! 新系統 BNO 續領 / 補領更簡單
▲ 這就是 BNO 護照的續領申請三部曲:上載相片、線上填寫資料 + 比錢、寄送文件過去英國,然後安靜等候結果。 


申請實況:
填寫表格絕大部分都係選擇題、以及輸入簡單數字 / 英文。本 YK 在線上填寫資料用了 15 分鐘,父母資料我有、但祖父母、外祖父母資料就無,人已經逝去仲點有資料,所以我都如實在備註解釋無人知道。

至於提交個人相片過程就簡單得多,一共花了 10 分鐘:家徒四壁純色白牆很容易找到,拿出手機請電子白痴的家母幫忙拍攝。 事後少不了裁剪 + 調整水平,但千萬不要搞什麼鬼美圖秀秀,護照相片不能夠有任何畫面調整和修改。

付款完畢後,就會跳到一個畫面,本 YK 的個案是需要提交一名副簽人的認證。 這個過程也是很簡單,首先打印副簽表格出來,然後找一個合資格的人,官網有詳細講解邊個符合資格。 本 YK 找了一個認識我多年的英國護照持有人做副簽署。呢個過程最耐,因為要副簽署人親自填寫資料,事後英國領事館會可能就表格的內容聯繫副簽人。

到最後文件齊全,我就根據要求把以下文件寄送過去英國:特區 SAR 護照每一頁的彩色副本(包括空白頁和封面底)、香港身份證正反面彩色副本、過期的 BNO 護照正本、出世紙正本,副簽表格正本。文件齊全後我選擇了香港郵政的投寄易服務、用 11 蚊港幣買了一個厚厚的大封信以及保險,聲稱最快 7 個工作天送到英國指定地址。呢度花費七十蚊都無,反正 BNO 護照唔急用。


補充 - 關於副簽人資格
有不少網友問關於副簽人資格,其實你申請完裡面就會有詳細文件講解。 但本 YK 都明白唔少網友聽聞過必須要有英國護照之人先可以做副簽人,覺得自己搵唔到一個咁樣的人,所以就放棄 BNO 重簽申請。唔洗問阿貴,我直接截圖比大家睇官方最新的副簽人資格!

【更新】實測:舊有教學統統無效! 新系統 BNO 續領 / 補領更簡單
▲ 最少認識你兩年的非親屬關係人士,但必須是現職 / 已退休的專業人士(按此檢視官方認可名單,);而呢個人係需要有指定國籍的護照如英國護照(BNO 也是屬於英國護照一種),備註還有一句:如果呢條友唔係英國 / 愛爾蘭護照持有人,可以做副簽署人,但時間需要處理更久。


【持續更新後續發展】
本 YK 的申請文件早在 4 月 13 日中午前已交到香港郵政手上。至於什麼時候有消息、或者唔好彩需要再補交什麼文件,我都會在這裡不斷更新記錄、等有興趣的網友都知道發生乜事。

19/4/2019 更新:
投寄易顯示最新情況:4月18日早上九點半已成功派遞到英國指定地址。

23/4/2019 更新:
復活節假期過後就收到電郵,通知本 YK 的文件包裹已確認收到;等多一個小時,又收到電郵通知,我的副簽人表格確認送到 Office 手上;我再登入英國政府官網查看我的申請狀態,顯示正在處理中。

7/5/2019 更新:
食緊晚餐就收到電郵,寫住親愛的 YK 大仙,你的 BNO 申請個案已獲得批准。官網查詢狀態就見到,護照正在打印中,稍後亦將會安排送翻堆文件比 me,而護照和文件稍後會分開兩個包裹發還給 me。大約 10 個工作天就已經完成審批,橫跨左個復活節同勞動節,算係咁。

8/5/2019 更新:
開緊會,叮噹一聲,手機收到一個電郵話比 me 聽:你個 BNO 已經打印好,以及順利寄出!然後就見到一個簡介,介绍 DX Delivery 速遞服務,但 e 貓裡面竟然無追踪號碼。

9/5/2019 更新:
去緊廁所叮噹一聲,收到 DHL 預約派件的 SMS 喇,預計 5 月 14 日送到,點解唔係 5 月 13 日? 因為假期囉。 me 去完廁所,又叮噹一聲,另一個 預約派件的 SMS 都收到,姐係可以安心等收野喇~

11/5/2019 更新:
我人都未訓醒,屋企個門鐘就響,我仲以為係 Newegg 送貨,點知係 DHL 提早左黎! 原來手機有 SMS 提示,不過我 miss 左無睇到。 me 打開大硬信封,仲有個細軟信封,再打開...... 哇!本 BNO 跌左出黎,隨信附送出遊提示一份,以及護照使用、報失等教學一份。 嗯,打開BNO 護照內頁就 feel 到好大陣味,係富有文化內涵的設計味,不錯不錯。

【更新】實測:舊有教學統統無效! 新系統 BNO 續領 / 補領更簡單

13/5/2019 更新:
今日早上屋企人都幫 me 收回出世紙正本了,整個 BNO 申請補領的程序完滿結束;多謝大家收看。
發表於 2019-06-11 12:21
2 樓
testingtestingtesting