匯豐 PayMe 將加入 FPS 轉數快!呢三件事,你必要知

2019-06-03 18:42
文章分享
香港有不少電子錢包,但講到真係多人用,相信非 HSBC 匯豐嘅 PayMe 莫屬。筆者去過唔少場合,好多非 tech 或唔係追開電子錢包著數玩意,都有開 PayMe 方便食飯夾錢。無錯,PayMe 主要用途就係夾錢,多人用因為佢可以連上好多人用嘅 HSBC 戶口,亦可以用任何信用卡增值,做到夾錢食飯都可以碌卡嘅效果。今日 HSBC 宣佈,PayMe 好快加入 FPS 轉數快系統,即係點?

匯豐 PayMe 將加入 FPS 轉數快!呢三件事,你必要知
 

PayMe 入轉數快三個要點你要注意

今日匯豐 HSBC 突然向全港 PayMe 用戶發出電郵,說明七月份會改條款,主要因為佢地會係今年 2019 年七月,加入「轉數快 FPS」陣營。「轉數快 FPS」係乜,之前 ePrice 版主都有專文交待。咁對  PayMe 用戶有什麼影響?

001:日後如果要增值 PayMe 電子錢包,除咗用信用卡及 HSBC 銀行賬號外,還可以用其他銀行賬號及電子銀包增值。

002:以前要把 PayMe 的錢提出來,都要轉至 HSBC 戶口,唔少朋友甚至無做呢個登記,聽聞版主 Keith 就係其中一人,D 錢一係轉給朋友,一係無用無息放係到。加入咗 FPS 後,提款會更加方便,可轉至有參加 FPS 嘅銀行及電子錢包,如 TapNGo、八達通 OePay 等 (大部份香港銀行及電子錢包都有加入,但實名是必要部份)。

003:今次 PayMe 加入轉數快,只包括個人用戶的 PayMe 服務,PayMe Business 加入轉數快有待稍後公佈)


匯豐 PayMe 將加入 FPS 轉數快!呢三件事,你必要知
目前 HSBC 未有公佈 FPS 限額,同時 PayMe app 入面未有 FPS 功能,目前 Payme 每年收款上限為 10 萬元,增值上限也是 10 萬元,所以到底確實限額是怎樣?到時,又會否取消信用卡增值,唔比人 PayMe 當信用卡咁用?目前未知知數,要等待 7 月才會有進一步嘅消息。

轉數快 FPS 懶人包,請按此
文章分享
您可能也喜歡▼