一日轉兩次 Facebook 頭像 因為改區旗係犯法!時局低壓槽嚇親香港人

2019-06-13 01:24
文章分享
一直都話,政治真係關你事。電視台全日係咁播金鐘警民衝突,大家都不恥政府咀臉。最簡單嘅意見表達,咪改下自己個  Facebook Profile Pic。話自己係香港人,區旗不能少 (不是龍獅旗,代表香港人對呢個區旗都好有歸屬感)。點知係晚上八點開始,全港又爆出 Profile Pic 更換朝。今日睇新聞都夠慘,夜晚仲要咁煩,點解?因為一條你可能唔多理嘅法律。

一日轉兩次 Facebook 頭像 因為改區旗係犯法!時局低壓槽嚇親香港人

早前有 facebook 專頁創作一張破爛了的香港特區區旗作為 Facebook Profile Pic 頭像照,甚至可以變為濾鏡,Key 係本來嘅相片背景,代表對「逃犯修訂條例」不滿,會損害香港。呢張圖,似乎好合好多網民心意,今朝 12/6 當警察開始係金鐘行動,大家都用呢張圖,表達對政府及警方的不滿。

不過,夜晚有 WhatsApp 群組傳出,有律師表示:根據 1997 年 7 月 1 日開始生效嘅《區旗及區徽條例》第七條「保護區旗、區徽」,任何人公開及故意以焚燒、毀損、塗劃、玷污、踐踏等方式侮辱區旗或區徽,即屬犯罪。一經循公訴程序定罪,可處第五級罰款及監禁3年;一經循簡易程序定罪可處第三級罰款及監禁 1 年。

一日轉兩次 Facebook 頭像 因為改區旗係犯法!時局低壓槽嚇親香港人

▲ 呢張係 12/6 當日,好多網民都轉成頭像的圖片。更有生產器,把你原本用開嘅 FB 頭像,轉為咁樣。

呢張圖嘅區旗,唔係紅色,仲要係爛嘅,當然唔得。你知啦,不少朋友都係網上 Share 警民衝突資訊,有不少希望幫到參予示威者的資料,呢 d 資料,係政府眼中可能已經係幫助緊係佢地口中的「暴徒」,加埋你個 Profile Pic 可能係犯法,再傳出政府透過海關,紀錄邊個 FB 用家,有轉過咁嘅 Profile Pic (已證實係假消息) 。大家又立即轉番平時張相,例如同家人嘅合照,自已嘅威水相呀,部份人都會用全黑背照代替,順手將自已推入 Dark Mode (心情唔靚 Mode)。

一個簡單的 Profile Pic,大家都要顧忌咁多,未來香港人,想像得到,真係有排煩。
 
多謝支持 ePrice.HK
文章分享
您可能也喜歡▼