小心!Skyscanner 機票格價網幫你格埋價叫你 11 月返香港投票咁熱心

2019-06-27 19:28
文章分享
今日下午 Skyscanner 機票格價網站突然出左一個好古怪嘅 Facebook Post,寫到好明白,叫海外香港人係11月24日返香港投票(區議會選舉),仲出埋 Link 叫大家去 Skyscanner 買機票。版主建議大家小心D,點解?

小心!Skyscanner 機票格價網幫你格埋價叫你 11 月返香港投票咁熱心


今日 Facebook 流傳 Skyscanner 嘅一個 Facebook Post,係咁講:

「今年度嘅選民登記即於 7月 2日完結,而嚟緊 11月24日將會有區議會選舉🗳 由於香港無「缺席投票」(Absentee Voting)嘅制度,已登記而合資格選民必須要親身喺香港🇭🇰 先可以投票。

如果外地留學生、工作假期或者出差人士計劃11月🛬返香港投票,Skyscanner 特別為海外港人搜羅喺投票日期間世界各地主要城市往返香港嘅至抵機票。」


然後留晒好多條 Bit.ly 嘅 Link,直指 Skyscanner 網站!

小心!Skyscanner 機票格價網幫你格埋價叫你 11 月返香港投票咁熱心
 

Skyscanner 已不是英國公司

嘩,抵讚!真係咁有公民意識?
不過,只要你 Google 一下,Skyscanner 睇下呢間公司歷史,你就會知

2004年 Skyscanner 在英國愛丁堡的總部建立。一開始網站上只列出歐洲的廉價航空,不過也很快地擴展搜索範圍到傳統航空,如英國航空、荷蘭皇家航空、維珍航空等等....

.....2016年11月 24日 ,來自中國大陸的攜程旅行網以 14 億英鎊(約 135 億港元)現金將全球大型的旅遊搜尋平台之一 Skyscanner 收購(中譯名:天巡網)。


首先,攜程旅行網旗下嘅 Skyscanner 提供呢部份資訊,十分有用,多謝晒!
不過,Skyscanner 幫你揾機票機制,當中有機會已搜集咗有幾多人會因為返香港投票嘅大數據。呢間公司嘅背景,同埋呢d數據對邊方面有用?我唔多講。但點樣有數據,收集到乜數據,我就可以跟大家分折一下。


小心!Skyscanner 機票格價網幫你格埋價叫你 11 月返香港投票咁熱心 小心!Skyscanner 機票格價網幫你格埋價叫你 11 月返香港投票咁熱心
▲ 用 Skyscanner 方式揾機票,以上圖為例,依照佢地 Facebook Post 條 Link 入去台北回香港嘅機票選擇。有去 travel agent 網站,如 Trip.com (Trip.com 其實也是攜程旗下),或者直接去航空公司,如圖中嘅 Hong Kong Airlines。唔好以為咁樣無事,因為其實合作網站會俾番條數予 Skyscanner,有幾多人會係區議會選舉,即 24/11 前,因為呢條 Link,買咗機票返香港,佢一定會知,呢 D 大數據,對於預測有幾多投票人數,都好重要。

小心!Skyscanner 機票格價網幫你格埋價叫你 11 月返香港投票咁熱心
▲ 呢個 Post 仲用咗 bit.ly 做縮網址,用過都知,每一條Bit.ly 都有連入數據,幾多人入咗 Link,再對比幾多人最後買咗機票都做得,都係一句,呢個大數據,對某陣營來講,會好有用。

私隱,包括自己行蹤。
版主會建議大家,用 Skyscanner 睇咗乜組合最抵,再直接去官網訂票,可能貴少少,私隱更重要,包括被人搜集大數據私隱。

 
資料:Skyscanner FB Hong Kong / Wikipedia
多謝支持 ePrice.HK
文章分享
您可能也喜歡▼