免現金、免嘟卡!5G 技術華為示範:用「人臉辨識」畀錢搭車,香港要引入?

2019-06-27 21:37
文章分享
版主遠赴上海逛咗一輪 MWC2019 大展,除咗去睇 vivo 引進的 5G 手機、AR 眼鏡、120W Super Flash Charge 快充,版主亦都順道去了不同的展商,睇下有無乜特別嘢。教人失望的事,特別嘢並不多,不過在華為的展場,就見到佢示範咗一個幾貼近生活嘅 5G 應用,唔知香港會唔會有一日引入呢項技術,將佢普及化呢?睇下文啦!

免現金、免嘟卡!5G 技術華為示範:用「人臉辨識」畀錢搭車,香港要引入?

5G 有乜特點?除咗夠快之外,更重要的是降低 Latancy,即係縮短延誤的時間。我哋之前講過好多關於 5G 的應用,例如可以遙距控制車輛、統計停車場車輛數量狀況等等,今日,我又學到嘢,原來可以透過人臉辨識,搭車直接付款,唔使用現金或者嘟八達通,只要上車望一望個鏡頭,就會自動喺你個戶口扣錢,相當方便。

免現金、免嘟卡!5G 技術華為示範:用「人臉辨識」畀錢搭車,香港要引入?

而點解呢個應用一定要用到 5G 先得呢?華為表示,如果唔係用 5G,個速度會唔夠快,最後變相唔會變方便咗,而係會影響效率 (假設你排喺最前,個鏡頭掃極都辨識唔到你,後面啲人就係咁喺度等你,到時佢哋唔媽叉你至奇 免現金、免嘟卡!5G 技術華為示範:用「人臉辨識」畀錢搭車,香港要引入?)。如果用 5G 的話,只需望一望就搞掂,辨識速度會比起而家 4G 快好多同穩定好多。

事實上,目前華為以貴州、貴陽兩地,作為用人臉辨識付款搭車嘅試點,當然以華為的野心來說,絕對會有意將呢個功能擴展至各地,但要先處理一個問題,就係要同各地政府溝通好,批準咗先,以唔影響到交通為大前提,會唔會有一日輪到香港都做到,無人知,但我相信假如呢項技術逐漸成熟,遲早一定會有。

但如果到若干年後真係實現,又會衍生另一個問題,就係私隱問題。有唔少香港人都好重視私隱,若果用人臉辨識,即係變相將你嘅人臉資料都送埋出去。網友又點睇呢?
 
文章分享
發表於 2019-06-28 10:46
2 樓

香港? 九巴搞掂左分段收費先講啦~ 
2019年啦~ 周街都係飛機, 都仲唔肯搞
您可能也喜歡▼