機管局陰你!坐飛機前,立即停止使用自助保安閘口入禁區

2019-06-29 15:11
文章分享
對於兩三個月都會飛一次嘅版主來講,呢一年都會發覺,係香港機場進入禁區嗰陣,會多咗個自助保安閘口。唔駛人手對 Borading Pass ,自動化,抵讚!?但原來包括一向好重視私隱嘅 YK 大仙,都大叫中咗招!呢部機,係私隱吸取器,機場管理局無需要情況下,會 Hold 起你,包括你個樣嘅私隱達七日之多,而呢個設計,無實際需要。最重要係,你有權 Opt Out 唔用呢個閘口。有得揀,點解我要俾咁多資料機管局?

機管局陰你!坐飛機前,立即停止使用自助保安閘口入禁區
 


自助保安閘口是大伏

好似版主成日飛嘅人,都知道,一入機場禁區,本來有人對一對你嘅 Passport (或者回鄉證)再加 Boarding Pass,呢個措施,全球機場都有做,同埋必需,防止唔係要坐飛機嘅人,誤入機場禁區範圍。以前用人手 Check ,Check 完就算,唔會有實體紀錄。但最近變了!

由 2018 年 9 月開始,入禁區前會多了一排自助保安閘口,唔駛人手,過程要先 Scan 你嘅 Passport 或回鄉證,Boarding Pass,仲無啦啦要影你相。老老實實,ePrice 兩個版主,大仙 YK 跟 go to school by airbus 嘅 Wilson 都唔知原來呢個可能係大伏!

機管局無重點講解當中私隱問題

根據上年唔少嘅報導,香港國際機場係上年,即 2018 年 9 月 20 日正式啟用自助保安閘口。當時以「採用生物特徵技術,為離港旅客進入機場禁區前核對證件」為賣點。「香港機場管理局強調,香港國際機場自助保安閘口,是為提升整體旅客體驗而推出的最新智能措施」。「自助保安閘口備有證件閱讀器及鏡頭,可代替相關的人手程序,讓旅客自行掃描證件及登機證,透過容貌辨識技術核對資料,整個過程約在 20 秒內完成。」

而根據機場管理局網頁對機場自助保安閘口嘅個人資料收集聲明,寫明佢地會:

「收集你的個人資料(包括你的相片、全名、出生日期、性別、國籍、出生地點、登機證所示航班資料及當前的容貌特徵)並由相關系統處理,以供進入機場禁區,以及作自助保安閘口和輔助通道私穩政策聲明所詳載的其他用途。」

但亦有列明:「你乘搭的航班離港七天後,所有可用以識別你身分的資料將從我們的系統刪除,惟為保障機場使用者及航空保安目的、獲授權人士或監管當局就民航運作而提出要求者則作別論。」

換句話講:若果你透過「自助保安閘口」進入機場禁區,你嘅個人資料,係會被機管局保留七日之多,而當中獲授權人士或監管當局,可以要求提取你嘅個人資料」

當中獲授權人士或監管當局,可以要求提取你嘅個人資料
當中獲授權人士或監管當局,可以要求提取你嘅個人資料
當中獲授權人士或監管當局,可以要求提取你嘅個人資料!
好重要,要講三次
 


你有權唔用

但有趣嘅係,私隱聲明又講到明:「如你不希望我們收集你的個人資料,請前往輔助通道及將有關意願告知職員,在此情況下,我們僅會收集匿名資料(而非個人資料)作統計分析用途。」即係用番人手核對資料,你嘅個人資料,包括你的相片、全名、出生日期、性別、國籍、出生地點、登機證所示航班資料及當前的容貌特徵,都唔會被儲七日,都唔會有人可以提取。

機管局陰你!坐飛機前,立即停止使用自助保安閘口入禁區

你又會話:我又唔係犯法,有乜好怕。都係一句,個人資料係私隱來,其實機管局係無需要備份你嘅資料七日咁多,呢個措施,根本係 More than enough,多一個備份,多一個機會被人偷。你唔會犯法,我明,你又點知,有無黑客有一日醒到 hack 咗機管局電腦系統,偷晒你資料呢?

有得揀,記得用番人手 Counter 啦

資料:ezone / 香港機場管理局
多謝支持 ePrice.HK
文章分享
您可能也喜歡▼