今日行街勿亂裝 App!四招保你「行街」的個人私隱

2019-07-01 09:06
文章分享
無錯!又係講私隱!相信今日好多人又要去港島行街。係呢個世代,大家都知,行街已不是人人可接受的事。有 D 人,可能因為工作關係、身份、地位關係怕被人認出更怕怕。我哋係科技網,當然最好從科技層面跟大家講下有乜方法,把自己隱身。「我無犯法,怕乜呀」,無錯,真係唔駛怕,都係一句,個人資料係你自己,係咪咁唔怕,開俾人睇,或者被人誤用害到自己,自己唸唸。

今日行街勿亂裝 App!四招保你「行街」的個人私隱
 


001: 儲值手機卡的重要性

去便利店買一張可以上網嘅儲值電話卡,代替你用開嘅 SIM 卡,而呢張卡,係完事後都要掉左佢。以 OK 便利店為例,你可以買數碼通 $48 售價嘅儲值卡,已送了一日無限上網、係 7-11便利店,csl 呢期有款卡特價儲值卡 $126 送 2GB 數據量。兩款都打到小量電話通訊,你可以把儲值卡號碼通知家人作不時之需嘅話音通訊。你用開嗰張主卡,可以熄左佢。咁樣做,你係係網絡商層面,你就是不在場。

今日行街勿亂裝 App!四招保你「行街」的個人私隱 今日行街勿亂裝 App!四招保你「行街」的個人私隱
▲ csl 儲值卡係 7-11 有特價;OK 便利店可以買數碼通卡,最平 $48 一張
 


002-先 Delete 大陸 App

請把中國大陸嘅 App 先 Delete,特別係 WeChat 微信。我哋都講過,WeChat 微信係中國大陸已做晒監控,甚至用來做大數據分折,知道有乜人出席過集會,輕則是大數據如出席實際人數及跟那人的消費集慣等。香港/國際版有無咁做?送咁多資料被人做分析,不如簡單 delete 咗先仲好。(Click 呢度重温我哋寫過關於微信在中國大陸
 

003: 關閉 Google 與蘋果的雲端服務

Google 與 Apple 都提供不少雲端記錄服務,如你的位置紀錄,要收埋自己,記得係 Google / Apple 相關設定都關閉呀!

今日行街勿亂裝 App!四招保你「行街」的個人私隱今日行街勿亂裝 App!四招保你「行街」的個人私隱

▲ 新版 Android 手機,於 menu 裡嘅 Google 設定裡面,把google 作雲端紀錄嘅選擇都關閉就可以了。
 


004:千萬不要相信聲稱作可以幫助統計遊行人數嘅任何 App

網上有學者會叫你在手機安裝 GPS 軟件,一如上述咁講,出席遊行,係應該Turn off 左 GPS,目的係不留關於個人出席證據。再者,有學者叫你把數據用 email 傳送俾佢,難度你用私人 Email 傳俾佢咩,又要開個 Gmail 戶口處理,想起都煩。
多謝支持 ePrice.HK
文章分享
您可能也喜歡▼