合作單位曝光!解構香港智慧燈柱 是資料搜集,定真監控

2019-08-25 08:51
文章分享
這幾天鬧得熱哄哄的科技話題,除了電腦節,就是香港會在下年起全面引入嘅智慧電燈柱。政府表示,已在官塘及九龍灣搶先安裝做測試。根據資料,智慧電燈柱旨在提升香港智慧城市,當中沒有監控成份,並列出幾個將會用嘅功能。但到底,呢套智慧電燈柱潛在能力係點?會否可以好快加入監控功能。其實,網絡上已有不少公開資料透露過,等我哋更大家解構一下。

合作單位曝光!解構香港智慧燈柱 是資料搜集,定真監控
 


HGC 環球全域電訊參予建立

睇番 ePrice 電郵記錄,係 2019 年 5 月收過 HGC 環球全域電訊 (已不再是和記電訊旗下,請網友留意)嘅新聞發佈,表示 HGC 「參與香港特別行政區政府首次的智慧燈柱計劃,亦公布其3 大智慧方案範疇:智慧燈柱、智慧物管以及智慧辨識。」

有關智慧燈柱部份,HGC 係咁寫:「智慧燈柱由訊科系統有限公司特別設計、製作及裝置,而環電除為智慧燈柱鋪設所需的網絡外,亦負責內置智慧技術的網絡連接及當中的科技應用,包括透過設置於智慧燈柱內的全方位鏡頭及內置的邊緣運算設備,分析車流及路面情況等大數據,並利用安全可靠的網絡專線把分析結果上傳雲端作進一步整合及統計。」

合作單位曝光!解構香港智慧燈柱 是資料搜集,定真監控
▲ 五月時,HGC 新聞稿已透露過智慧燈柱是乜東東。
 


關於呢個說法,我哋留意到幾個重點:

001:好肯定香港智慧燈柱內會安裝全方位鏡頭,乜叫全方法鏡頭?其英文版會清楚一點,其實係 360 Camera,係每支智慧燈柱都有一個影到 360 度嘅鏡頭,至於係咪坊間說的,有 4K 解像度,點解一定要裝 360 Camera,影到咁大範圍嘅鏡頭,我哋係 HGC 新聞稿上未有睇到。

002 : HGC 作為智慧燈柱合作單位,佢哋對香港智慧燈柱功能理解,跟香港政府差別不大,亦沒有提及對人群仔細監控。

003:HGC 新聞稿說明了香港智慧燈柱由訊科系統有限公司特別設計、製作及裝置。呢間又係乜公司?下面再講。

 

主頁曾連至中國監控路燈公司

係 8 月 24 日官塘區遊行中,有示威者把一支測試中嘅智慧燈柱推倒,並抽出了一支藍牙 USB 器材,上面寫了英文公司名:「TickTack.tech」,亦即係由訊科系統有限公司, 當網民在互聯網找出呢間公司的官方網站,居然連接至一間叫「上海三思路燈」嘅公司,呢間公司,就是幫中國政府,在中國大陸大量設置監控路燈嘅公司!令人聯想起,香港智慧燈柱根本是由中國大陸公司操控。

不過,8 月 24 日晚上,TickTack.tech 官方網站突然彈出 Pop Up,表示因為早前網站更新,內部人員錯誤把主頁跳至「上海三思路燈」,並以「另一個項目合作單位」來形容,似乎立即有割蓆之嫌。但 「上海三思路燈」跟香港智慧燈柱又有何關係?呢個問題十分有趣。

合作單位曝光!解構香港智慧燈柱 是資料搜集,定真監控
▲ 示威者早前推倒的智慧燈柱中,有 TickTack Technology 提供的元件,網民上網查詢其網站時,該網站居然跳至上海三思路燈公司。

合作單位曝光!解構香港智慧燈柱 是資料搜集,定真監控
▲ 網民亦找出了透過該網站,可以入到控制版面,有香港的地圖資料。

合作單位曝光!解構香港智慧燈柱 是資料搜集,定真監控
▲ 八月廿五日凌晨,TickTack Technology 訊科系統官方網站,突然改為彈出上面嘅資訊。

合作單位曝光!解構香港智慧燈柱 是資料搜集,定真監控
▲  由於 Google 未能及時更新,好清楚見到,TickTack 網站,本來係變左上海三思路燈 StarRiver 嘅網站,仲有操控介面入口。
 


​TickTack.tech 訊科系統係乜背景

TickTack.tech 訊科系統又係一間乜背景公司,係佢地主網頁回復正常嘅 Pop Up 寫住佢哋係一間香港科創公司,專門提供智慧城市的解決方案。講到呢度,本來我哋想係佢地網站找出更多資料,但係寫到呢度嗰陣,佢哋網站突然全死!根據我哋嘅 YK 大仙係 Facebook Screen Capture,TickTack.tech 訊科系與數碼通、中國移動、Cisco 及華為等都有合作關係。至於呢兩間公司大股東,分別是CHAN, CHI CHUNG AUSTIN 及LAU, MEI SZE MASEY,係 Google 中搵到呢兩個人嘅資料不多,而我哋難以知道,今日被拆嘅智慧燈柱,係咪由中資背景公司操控,只能講,本來訊科系統網站資訊,唔知點解會 Link 去大陸智慧街燈公司,甚至有操控介面登入介面,實在耐人尋味。

合作單位曝光!解構香港智慧燈柱 是資料搜集,定真監控
▲ 公司註冊處,有關訊科系統嘅公司主要股東資料。

合作單位曝光!解構香港智慧燈柱 是資料搜集,定真監控
▲ 訊科系統的合作單位。

香港智慧燈柱資訊
合作單位曝光!解構香港智慧燈柱 是資料搜集,定真監控
只有智慧燈柱才有監控?東九龍街燈早已裝 Cam 訊息將來直送警方
 
我係 ePrice 報料王,送上大量科技資訊。我不是版主。
文章分享
發表於 2019-08-25 13:03
2 樓

▲ TickTack.tech 訊科系統員工 Norman Chow 在其 FB 網站回應。
 
我係 ePrice 報料王,送上大量科技資訊。我不是版主。
您可能也喜歡▼