真香港人限定！荃灣一餐廳明日口罩限量免費派

家陣香港情況，大家都好清楚，一罩難求呀，睇下韓國、菲律賓果啲國家，都肯免費派口罩畀國民，香港呢，政府幾時肯做嘢？唔通真係到武漢肺炎疫情爆發到一個點，先肯做嘢？既然政府無行動，民間一些商戶就自發搞派口罩行動，希望幫到真正有需要的香港人，解燃眉之急。



荃灣一家叫 No Boundary 的餐廳，在 Facebook 專頁上發文，表示前幾日店主在台灣帶來了 1000 個外科口罩，免費提供畀真香港人，以解燃眉之急。

地址：No Boundary荃灣店-大壩街9號

不過無辦法，邊個叫而家一罩難求，店主在台灣帶到 1000 個返嚟，當 50 個為一盒，都有 20 盒的數量，店主唔自己用，而是無私免費奉獻畀香港人，算係唔話得。不過，正正因為數量就係得咁多，想多都難求，所以每人只限取 3 個，並且只限有香港永久居民身份證嘅真香港人。

屋企真係買唔到口罩，十分有需要的話，就去取 3 個頂住幾日先，屋企仲有存貨，哪怕只有 1-2 盒，都唔好去了，留返畀真係罩都無得用的人攞咗先。雖然每人只攞得 3 個，但店主有呢個善心，已經好足夠，值得表揚。最後講多句，香港人，加油！



來源：No Boundary
 

武漢肺炎抗疫相關資訊

抗武漢肺炎，別買錯！教你揀有質素嘅外科口罩
【一文睇清】個個口罩都自稱係 N95，邊個知？ P95、N99 又係乜？
500 萬武漢人去咗邊？大數據揭唔封關香港有幾大鑊
武漢肺炎最新個案   全球實時數據一網睇盡

香港人口罩購買指南
誠哥萬歲！口罩到貨！屈臣氏門市明日限量返貨
網民製「武漢肺炎民間資訊」！呢個重點幫你唔會天價買假口罩