新世界派千萬個口罩!合資格者每周 Do 卡就有,免排隊

2020-04-06 21:05
早前我哋 Share 過新世界會係其中一間會生產 Made In Hong Kong 口罩嘅公司。佢哋講明初期只會供集團員工使用,同埋用來捐贈嘅。今日,佢哋就公佈咗唔少細節。當中,最值得畀個 Like 係佢哋安排 200 萬個口罩 ,係未來幾個月派畀有需要嘅基層人士,但今次唔駛佢地上網搶,都唔駛佢地排隊,會跟社福機構合作,用 Do Do 卡及實體售賣機取代人手,有需要人士,保證個個月都有一定數量,想知係點?立即睇!

新世界派千萬個口罩!合資格者每周 Do 卡就有,免排隊


001: 新世界派口罩計劃首階段跟 8 個非牟利機構合作,包括聖雅各福群會、救世軍、香港路德會社會服務處、香港小童群益會、基督教香港信義會社會服務部、香港社區組織協會、鄰舍輔導會及香港基督教女青年會,

002: 呢八個非牟利機構,會根據佢哋一貫的服務原則,向領取綜援、獨居長者、單親人士、弱勢社群以及有工作需要卻無獲僱主提供口罩等基層人士,派發新世界嘅「口罩提取卡」。預計收惠人士達四萬人。

003:  受助人以「口罩提取卡」,由 4月底起,透過遍佈全港 18 區,安裝係上述機構指定中心,合共35部自助口罩提取機,自行提取口罩。


004:   派發日期:4月底起 10 星期內,每星期憑卡可到自助提取機,即可獲取 1 包共 5 個口罩。

005:  為免免費派發的口罩被轉售或炒賣,非牟利機構將為有需要人士實名登記,每張「口罩提取卡」均印有獨立的二維碼以作識別用途,但不會載有用戶資料,以保障個人私隱。

006: 經呢個安排派發嘅口罩超過二百萬個口罩,而新世界亦會用其他途徑派發其他共一千萬個口罩。

新世界派千萬個口罩!合資格者每周 Do 卡就有,免排隊
 
多謝支持 ePrice.HK
您可能也喜歡▼