立即衝!MOX 虛擬銀行即日推零入息要求黑卡 (附登記網址)

2020-05-04 14:32
Credit Card 界,黑卡唔係人人可以攞,至少你要有番咁上下財力。最出名嘅,應該就係 American Express 嘅黑卡,真係你有錢佢哋都未必批俾你。但即日起,香港有一間銀行,只要你夠快手登記,你就有機會有一張黑卡 mastercard,實體金屬卡!想知點玩?立即睇睇!

立即衝!MOX 虛擬銀行即日推零入息要求黑卡 (附登記網址)

在疫情之後,香港嘅虛擬銀行開始發圍。我早前搶先開咗天星銀行,感覺麻麻。但呢間叫做 Mox 嘅新虛擬銀行,服務未有,但夠晒有型。Mox 其實係由渣打銀行香港牽頭,再配上香港電訊 HKT 及 PCCW,仲有 Ctrip,大銀行味道最濃,所以推介都係夠晒潮,唔係一味用低息。

即日起,只要你係頭 3000 個登記用戶並成功開戶嘅,就可以得到限量版嘅黑卡,呢張係 mastercard 來,絕對可以用來碌,但性質唔係信用卡,係 Debit 卡嚟,你有幾多錢就可以碌咁多錢咁解。

MOX 主打嘅係全亞洲第一張全功能無號碼銀行卡 Mox card,只係你收到嘅卡上面無號碼,所有資訊都只係喺你個手機 App 到睇到,一個唔小心唔見咗張卡嘅,唔洗打上 CS 只係用自己嘅電話 App 就可以鎖到張卡,大大減低俾人盜用嘅風險。講返,除咗 Mox,WeLab Bank 都有出無號碼信用卡架。

Mox 受香港金融管理局監管嘅虛擬銀行。不論存款金額多少,年期不多於五年嘅存款都受到香港存款保障計劃保障,最高可獲港幣50萬元嘅擔保。
 

咁點申請?首先,你符合以下資格,你便可以開立 Mox 戶口,若果你係首三千名,就會有黑卡:

  • 持有香港身份證
  • 擁有有效嘅香港居住或郵寄地址
  • 年滿 18 歲或以上
Click 入呢個網址,輸入 email address 就申請到

立即衝!MOX 虛擬銀行即日推零入息要求黑卡 (附登記網址)

▲ 不過呢,其實只係收到 confirmation email,仲要等 Mox 再多封 email ,confirm 你係三千名以內先至有得攞黑卡!咁你仲唔快走登記?
您可能也喜歡▼