搶先評測 WeLab Bank:入十萬送千一、大額定存都高息!

2020-06-17 10:28
嘩! 宜家經濟唔好,竟然有人大玩「入 10 萬送 1100 元」? 十個朋友十一個都問邊度有咁筍,難道又係多水中資銀行? NONONO,係 WeLab Bank 呀! 目前正在內測階段未正式開業,但本 YK 竟然無意中發現左開戶祕道,爲各位網友搶先實測到底 WeLab Bank 有乜特別。

搶先評測 WeLab Bank:入十萬送千一、大額定存都高息!

開戶前言
如果你唔知道乜野係 WeLab Bank 的話,咁你已經脫離潮流,請乖乖地睇翻版主 Keith 之前的介紹文,本 YK 之前都係 WeLab Bank 官網登記輪候名單,但遲遲未有通知。日前手痕走去下載定佢個 App 後發現,竟然可以註冊,可以偷步註冊呀! 咁本 YK 自然快手咁做晒三部曲:多角度影身份證、自拍眨眼、填寫個人資料,但結果原來要等審批。 正當打算刪除個 App 時,突然短信通知我話成功開戶,果然命運就係喜歡如此開玩笑。。。


WeLab Bank 虛擬銀行
其實香港有好多虛擬銀行,以中資背景的衆安銀行 ZA Bank 和天星銀行 airstar 暫時最活躍(本 YK 都已有戶口)。呢次實測的是 WeLab Bank,註冊過程相當簡單,開戶通過審批後注資方法亦可用 FPS 轉數快進行,三個銀行開戶、注資大同小異。 而 WeLab Bank 最吸引的地方是提供 MasterCard Debit Card 實體卡給用家,當正信用卡到處碌,當然 Debit Card 前提係你戶口要有足夠錢。

搶先評測 WeLab Bank:入十萬送千一、大額定存都高息!
▲ 以上係 WeLab Bank 登入後的畫面,見到你有幾多錢,有埋錢銀進出記錄;暫時我小賭落左 1000 蚊,但聽晚會大賭做李嘉誠落爆佢。

搶先評測 WeLab Bank:入十萬送千一、大額定存都高息!
▲ 而設定畫面都簡潔,最大路的調整額度、更改密碼 / 指紋等都有,推廣設定本 YK 建議選擇 SMS 同 email 兩個方法,避免錯過有乜限時著數資訊。


虛擬 + 實體 Debit Card
一開戶口已經有虛擬卡比大家,裏面有晒卡號以及驗證碼,可以直接用黎上網買野了;但如果要落鋪的話,就需要申請實體卡; WeLab Bank 的提款卡結合 MasterCard 功能,而且卡面無號碼確保私隱。

搶先評測 WeLab Bank:入十萬送千一、大額定存都高息!
▲ 張實體卡本 YK 依然申請中,聽說要等 5 - 7 個工作天,所以唯有收卡後補圖比各位。

搶先評測 WeLab Bank:入十萬送千一、大額定存都高息!
▲ 留意啦,張實體卡可以到處抽插攞現金,JETCO 同 CIRRUS 標誌的 ATM 就可以攞錢;而你提款和消費額度都可以直接係 App 裏面設定,呢個設計同外國 Debit Card 做法一致。


定存產品「 GoSave」= 高息?
到左大家最關心的錢,到底標題講的十萬送千一係乜玩法? 事關好多朋友之前都投訴話其他虛擬銀行都係玩高息,但結果原來係上限封頂金額,而且後續高息計劃又唔多,搞咁多開個戶口玩咩! 

雖然群情洶涌,但都只能怪佢地上錯車。 而 WeLab Bank 的存款產品「GoSave」,睇條款係做 3 個月定期,新客戶頭 10 萬有額外 + 2% p.a.,而餘下金額最高可以 2.5% p.a. 計算! 你出去行個圈就知道,咁方便的定存產品真心「夫復何求」 ~

搶先評測 WeLab Bank:入十萬送千一、大額定存都高息!
▲ 定期存款產品 GoSave 就好似一部紅 Van 咁,但呢次係一部 60 座的紅 VAN,你上車前睇清楚到底架車幾時開車、開去邊度、開幾耐。

搶先評測 WeLab Bank:入十萬送千一、大額定存都高息!
▲ 以呢個班次爲例:目前上車已有 53 人,「目前年利率」係 2.25%p.a.,而如果人數達到 60 人,「目前年利率」會提升到 2.5%p.a. 水平; 而開車時間係 6 月 23 日或者坐滿就開車,而車程係 3 個月。

搶先評測 WeLab Bank:入十萬送千一、大額定存都高息!
▲ 值得留意係,新客戶頭 10 萬蚊係加 2%p.a. 變成 4.25%p.a. 或者 4.5%p.a.,也就是你放 10 萬落去出黎會有千零蚊。而後續餘額的金額會以「目前年利率」計算,也就是最少 2.25%p.a. 或最高 2.5%p.a.。

搶先評測 WeLab Bank:入十萬送千一、大額定存都高息!
▲ 所以,本 YK 咁就放左十皮落去,留意翻個目前年利率寫 2.25%p.a.,但其實最後會有可能升到 2.5%p.a.;而額外的 2%p.a. 利息就需要到期後 6 至 8 星期內現金回贈比翻你。

搶先評測 WeLab Bank:入十萬送千一、大額定存都高息!
▲ 編號 159 的紅 Van 剩餘最後一個名額就可以開車!而據了解定存係 1000 萬封頂,呢個額度比其他對手都要大方得多!


實測總結:
暫時睇落,WeLab Bank 個定期存款產品「GoSave」最有趣,雖然估計唔係日日可以開車,但勝在玩法新奇,而且入場門檻低,最少玩 10 蚊最高玩千萬,多有多放少有少入、大小通殺無難度。 雖然環顧其他對手同日內提供的 3 個月年利率定存唔超過 2%p.a.,但勝在可以隨時開隨時做、時間長短自訂。 

到底 WeLab 後續係咪可以日日開車呢? 其他對手又會點回應呢? 而我張實體卡何時會到手,又有乜咁好用呢? 大家拭目而待喇! 題外話,到底點先開到戶口? 一定要 VIP 或內部員工親屬先得? No,其實 WeLab 未正式開業,但你如果係官網有登記 email 排隊輪候的話,就會陸續收到邀請開戶通知,又或者好似本 YK 咁試下突襲註冊喔 ~


後記補充:
我頭十皮已經開車的「目前年利率」變成 2.5%p.a. 喇(姐係有 4.5%p.a. 爽喔~),而下一車竟然係立刻出現,祝各位 WeLab 友「日日有車開,個個老司機」 ~
您可能也喜歡▼