用過 MeWe 返唔到轉頭!呢 10 個重點功能你可能唔知 但一定要知!

左定坤 (Cho Ting Kwan) 2020-11-28 20:32 | 科技新知
受夠 Facebook 演算法判斷你睇唔睇到某啲 post?受夠 Facebook 漸失言論自由無故刪 Post?受夠 Facebook 咁多廣告睇到人都煩?以前,我哋只能呻 Facebook 呢樣唔好,果樣唔好,但無一個可以取替的平台,只能硬食。最近開始愈來愈多朋友仔,轉會去 MeWe,而我哋 ePrice 亦都開咗個 MeWe Page,歡迎大家入嚟 Follow 支持下。MeWe 嘅好處,大家都好清楚,標榜無廣告、唔會未經許可收集個人資料,而且講嘢更自由。但有啲功能,你唔係用過,未必會知道。版主就在此分享下我使用多日的心得,講下我覺得有乜功能值得一讚。

FB.jpg

甚麼是 MeWe?

MeWe 其實唔係一個新平台,早喺 2012 年已經推出,係由一間美國公司 Sgrouples 成立,成個平台擺到明係打 Facebook,主要賣點係:

i. 無廣告 (主要收入來自用家嘅贊助支持)
ii. 無間諜軟件在未經許可情況下收集個人資料
iii. 無演算法,可以睇到哂所有 post,唔會被篩選。

MeWe 有乜必知功能 / 事項?

呢啲只係表面嘅優點,實際用落有啲咩功能,你係可能唔知,或者有咩功能值得一提?版主使用多日,就逐一同大家講下,到底 MeWe 有乜咁正,同埋有乜地方需要注意。

001: Feed 唔會好似 Facebook 咁,乜都撈亂哂一齊,WeMe 可以選擇到底睇「All」,睇「Contact」,睇「Page」定睇「Group」,呢樣係正嘅,以前 Facebook 都仲有得淨係睇 page 嘅內容,整整下都無埋,最後我只能開個空賬 ac,淨係用嚟睇 page 用。

螢幕截圖 2020-11-28 下午9.19.28.png

002: 用得 MeWe,當然都要識得保護自己私隱,記得按入去右上角你個頭像,進入 Settings,「Privacy & Sharing」,選擇返淨係得朋友嘅朋友可以 send request 畀你,同埋 friend lists 都 set 做任何人都睇唔到,咁就安全啲。

螢幕截圖 2020-11-28 下午7.31.24.png

螢幕截圖 2020-11-28 下午7.32.07.png

003: 話說就有朋友開咗個 Group,咁我就加入啦,發現到一個比 Facebook 正嘅功能,就係入 Group 可以換過第二張 Profile Picture,唔會咁易畀人認得出你係邊個。當然,若果可以入 Group 自己 set 埋自己暱稱,咁就更加 Perfect。

螢幕截圖 2020-11-28 下午7.34.03.png

004: 主頁按 Browse Group / Browse Page 可以 search 到所有 page / group,亦可以按分類去搜尋你可能有興趣嘅 page / group。

螢幕截圖 2020-11-28 下午7.28.58.png

螢幕截圖 2020-11-28 下午7.26.33.png

005: 入咗 Group,發現有時係咁響好嘈?Setting 入面都可以揀 Mute 咗佢。

螢幕截圖 2020-11-28 下午7.53.35.png


006: 見到鍾意嘅 Post,可以用任意嘅 Emoji 去 Like Post,唔會好似 Facebook 咁限死得果幾個。

螢幕截圖 2020-11-28 下午9.34.46.png

007: 一般而言 Feed Post 會以時間順序排列,由最新到最舊。

008: 手機版開 Post 從此唔使再碌返最頂,先可以出到 Post,因為右下角會有個固定的「發起貼文」按鍵,可以隨時出 Post 無難度。

WhatsApp Image 2020-11-28 at 9.41.00 PM.jpeg

009: 呢一點,可能真係要係 Page 專頁管理者,先會有共鳴。Facebook Page 以前其實做得好好,出 Post 嘅時候可以直接 Schedule 排定時間,但搞搞下連呢個功能都閹割咗,逼你一定要另外去「創作者工作坊」先可以排到時間,成件事搞到複雜又麻煩。而家 WeMe Page 可以出 Post 嘅時候直接 Schedule 埋,方便得多。

螢幕截圖 2020-11-28 下午9.48.40.png

010: 數完 9 點,突然醒起一個點,補充一下,就係 MeWe 唔會有實名制,開 ac 唔使一定用真名,一個手提電話號碼就搞掂。諗返起 Facebook 而家,我想開過個新 ac,都搞到好麻煩,之前諗住開個新 ac 去管理自己嘅網店,點知成日開完 ac 用咗兩用,就突然停用咗我 ac,一係要我自拍張相畀佢,一係仲要我 send 埋身份證畀佢。最低能嘅係,影完身份證畀佢,驗證完身份咪算囉,佢仲強制將我個 Facebook 名改成我身份證全名,而且唔畀我改,真心激死人。

最新新聞