港鐵 x 支付寶一月推 QR Code 入閘!一人一個唔用八達通嘅理由

2020-12-23 18:20
版主 Keith 昨日預告過,支付寶今日會同港鐵聯合搞記者會,同港鐵合作,好大機會係宣佈,支付寶二維碼將會正式殺入港鐵,遲下入閘要慢慢等人開 App 掃 Code。估就咁估,實際係咪咁呢?不如我哋又睇下支付寶同港鐵今日點講啦!

港鐵 x 支付寶一月推 QR Code 入閘!一人一個唔用八達通嘅理由-0

事實果然如此,支付寶今日宣佈,將會同港鐵合作,喺出年 1 月 23 日在推二維碼乘車服務。乘客首先要用 MTR Mobile App 綁定支付寶 AlipayHK App,並揀選港鐵嘅「我的車票」或者用 AlipayHK 嘅 EasyGo 易乘碼,然後就可以掃 QR Code 去入閘,除咗機場快綫車站之外,港鐵全部 93 個車站,每一排閘機都會有最少兩部閘機可提供二維碼付費乘車服務,會包上紫色顯眼標示,車站亦會有其他嘅指示,方便乘客辨識相關閘機。

係咪真係入閘快咗方便咗,未真係用到我唔知,但淨係知下下要開 App 都好麻煩,尤其是人多嘅話,要等前面嘅人慢慢開 App,畀着我,我會覺得倒不如直接用返八達通仲好,快之餘仲可以有政府每月資助。支付寶掃 QR Code?政府將乘車補貼支持埋支付寶先再講啦。
發表於 2020-12-24 10:07
2 樓
支那寶如果有優惠既話咪用囉 ~ 用完優惠咪用返八達通囉~~