智能手機 + AI:Covid19 病毒測試套裝有望推出

2021-02-18 11:46
今次介紹一個新技術,排緊隊等美國 FDA 緊急批准,希望可以快速推出市面的一款武肺病毒測試技術。市面有好多呢啲測試工具,但跟智能手機與 AI 有關嘅,呢款似乎係第一款。

智能手機 + AI:Covid19 病毒測試套裝有望推出
 

下面有 Podcast 聲音內容


 

美國公司新品

由美國 Kroger Health 公司推出嘅 COVID-19 Rapid Antigen Test Kit ,玩法相當簡單,用戶自己係屋企直接從鼻腔進行樣本採樣,然後就放入病毒檢測盒內進行自動檢測。最後利用智能手機 CAP 圖拍攝病毒檢測盒的情況,進行一個快速掃描。咁個 App 就會自動識別出到底你取樣測試結果你對武肺病毒 SARS-CoV-2 陰性或陽性。 呢個方案係透過 AI 人工智能分析病毒檢測盒上浮現的線紋而鑑定是否陽性結果,因為有好多人唔識睇,又或者醫生護士唔小心睇錯,或者好難睇得準條線,最好方法當然係交俾相機鏡頭配合 AI 黎分析,減少人為錯誤。
 

睇有效率

而臨床測試結果顯示,呢套手機檢測方案靈敏度相當高,陽性檢測率係 93%、陰性檢測率係 99%。 簡單講,你如果真係有病毒,佢有超過 9 成機會可以準確顯示出結果。如果你無病毒,佢可以 99% 顯示出正確的結果。雖然檢測錯誤率依然係存在,但起碼呢個 test,只要你買多幾套 Kit,可以重複又重複咁做,自己係屋企做幾多次都得。有數得計,超過 9 成的準確率,我自己做多幾次就的啦,又需要擔心樣本污染到其他人,又或者擔心自己 DNA 外洩,更加唔會加重醫護人員負擔,不知幾好。

智能手機 + AI:Covid19 病毒測試套裝有望推出

而呢個公司就話,如果通過審批的話,會係網上發售,並透過全美國 2200 個藥方分發,目前已經有 150 萬個測試盒,每月可以生產 300萬個盒。 希望香港到時候會買得到正版的測試盒啦。售價幾多?未知。

來源:PRnewswire
多謝支持 ePrice.HK
您可能也喜歡▼