TCL TS9030 3.1ch Soundbar  放喺私竇 一個使用體驗後感

2021-03-23 08:18
疫情沒完沒了,雖然戲院已經回復返正常營業,不過如果安在家中,簡簡單單都可以享受到杜比全景聲Dolby Atmos 嘅3D 音效,唔洗安心出行都可以安心娛樂嘅話,留喺屋企休息吓睇吓Netflix 都係一個唔錯嘅選擇!前排我哋嗰個二百尺都無嘅私竇,又多咗一個新玩意:TCL TS9030 Ray-Danz 3.1聲道嘅 Soundbar!用咗一個月左右,係時候同大家分享吓有咩好。

TCL TS9030 3.1ch Soundbar  放喺私竇 一個使用體驗後感-0
 

安裝簡單,插線即用

因為本身已經有部電視櫃,個 Soundbar 理所當然就擺喺電視前面,個無線重低音就擺喺下面。留意返,唔少人會因為想慳位,就將個無線重低音擺喺空心或者太薄嘅層板上面(如圖所示),個重低音效果真係會大打折扣。地下/實心木板會好少少,另外,如果想將個 Soundbar掛牆嘅話,亦得!

TCL TS9030 3.1ch Soundbar  放喺私竇 一個使用體驗後感-1
▲ 層板太薄,試機嗰陣個效果真係嚇一嚇

TCL TS9030 3.1ch Soundbar  放喺私竇 一個使用體驗後感-2
▲ 重低音輸出喺個底同後面

TCL TS9030 3.1ch Soundbar  放喺私竇 一個使用體驗後感-3
▲ 咁樣擺地下就最 Perfect 啦

因為重低音係無線嘅設計,插電開電源掣就可以配對到,不過記住唔好擺太遠,3米左右就最好啦!Soundbar 後面有個蓋,可以靚靚仔仔收好啲線,而啲端子就喺兩邊,分別有兩個HDMI(其中一個支援ARC功能),而另外一邊就有USB、光纖同AUX 3.5mm端子,相當充足。

TCL TS9030 3.1ch Soundbar  放喺私竇 一個使用體驗後感-4
▲ 分別有兩個HDMI 端子(其中一個支援ARC功能)

TCL TS9030 3.1ch Soundbar  放喺私竇 一個使用體驗後感-5
▲ USB、光纖同AUX 3.5mm端子

TCL TS9030 3.1ch Soundbar  放喺私竇 一個使用體驗後感-6
▲ 設有遙控

TCL TS9030 3.1ch Soundbar  放喺私竇 一個使用體驗後感-7
▲ 除咗遙控,Soundbar上面都有實體輕觸掣,以供簡單操作

TS9030仲支援藍牙5.0同 Wi-Fi,平時唔用嚟睇戲睇電視,透過 Chromecast 同Airplay聽歌一樣得,仲支援Hey Google 添,方便程度大增。

TCL TS9030 3.1ch Soundbar  放喺私竇 一個使用體驗後感-8
▲ 唔洗裝 App,簡單喺 iPhone 就可以 Set 好 Airplay
 

支援杜比3D音效      自家 RAY DANZ 加持

TS9030 採用咗自家 RAY DANZ 聲學反射技術,透過調整單元嘅角度,將聲音利用房間嘅空間去做反射,從而去創造出廣闊同自然嘅聲場,相比起其他 Soundbar 係用 DSP 模擬出嚟嘅立體空間感,TS9030感覺舒服好多!加上支援杜比全景聲 Dolby Atmos,Netflix部分電影都有音源提供到,輕鬆將屋企升級到電影院級嘅影音空間!

 TCL TS9030 3.1ch Soundbar  放喺私竇 一個使用體驗後感-9
▲ 利用 RAY DANZ 聲學反射技術,創造更自然嘅聲場

 TCL TS9030 3.1ch Soundbar  放喺私竇 一個使用體驗後感-7
▲ 左右兩邊嘅聲音就係透過呢個弧形挖空嘅空間傳出

特別想講講中間嘅專用聲道,係用嚟輸出人聲,將人聲同其他音樂同音效分隔開,因為喺呢個私竇嘅空間有限,如果齋靠左右兩邊嘅聲音反彈,會令到人聲部份混和咗喺其他聲音度,而咁樣嘅 3.1聲道就好啱呢啲細小空間。


TCL TS9030 3.1ch Soundbar  放喺私竇 一個使用體驗後感-8
▲ 做完嘢用 Airplay 聽歌輕鬆吓又得


TCL TS9030 3.1ch Soundbar  放喺私竇 一個使用體驗後感-12
▲ 顯示器設喺中間聲道,尚算清晰

當然唔少人屋企個廳都大過呢個私竇,不過放心,呢組嘢最大輸出功率達540W(240W+300W),絕對夠用!另外內設咗電影、音樂同電視場景,針對播放嘅內容去設定唔同聲音頻率嘅表現,十分容易上手!佢仲有個自主修正音效功能,怕嘈親隔離鄰居或者屋企人,想細細聲聽歌自私娛樂嗰陣,都可以清晰聽到音效細節。
 

售價親民,平價升級有得諗

講到3.1聲道又支援Dolby Atmos,仲要拎埋 2020 年德國 iF 產品設計大獎同歐洲影音協會(EISA) 2020-2021 Best Buy Soundbar,以為會好貴?非也,建議零售價都只係$3,680,有啲大舖而家更三千蚊有找

詳細 Spec 可按呢度   
多謝支持 ePrice.HK