人人睇戲 9 折 + 儲積分換戲飛!MCL 戲院推出免費會員制 MCL MAX

2021-06-29 20:51
自從 UA 戲院全線執咗之後,大家會考慮去邊度睇戲呢?百老匯?MCL?嘉禾?版主就比較多去百老匯戲院睇戲,用 AE 卡有 9 折,其實唔係平,都係睇吓邊度有位,同埋地理位置夾唔夾到其他朋友啫。不過咁,如果其他戲院有著數優惠推出,或者我下次再去睇戲,都可以同朋友推介吓嘅。今日就收到 MCL 新聞稿,就話佢哋有一個新優惠喎!呢個優惠又吸唔吸引到大家去佢哋戲院度睇戲呢?睇下文啦!

人人睇戲 9 折 + 儲積分換戲飛!MCL 戲院推出免費會員制 MCL MAX-0

MCL 宣佈,佢哋會推出免費會費制 MCL MAX,加推「0 會費,MAX 優惠」,以後唔使畀錢入會,都可以享有戲飛折扣優惠。而家只要下載 MCL 最新手機應用程式,進行簡單登記,撳個掣就可以立即成為 MCL MAX 會員。

而家喺推廣期內成功登記做會員,除咗可以享有成人正價戲飛 9 折優惠,而且仲可以有 3 倍迎新積分,即係 300 個 MCL Tokens,價值相等於細爆谷或者汽水。另外,會員喺 MCL 戲院滿消費 $1,就可以賺到 1 個 MCL Token,好快就可以儲夠分,換戲飛、爆谷、汽水等等。而 MCL MAX 中會不定期舉行專為會員而設嘅推廣活動或者豐富禮品。

唔洗用指定信用卡,可以盡享人人 9 折優惠,大家又會唔會多啲去 MCL 戲院睇戲支持一下呢?

人人睇戲 9 折 + 儲積分換戲飛!MCL 戲院推出免費會員制 MCL MAX-1