唔用華為、中興、OPPO!網絡商 $148 5G 寬頻送 Linksys Router

2021-07-30 18:32
想在家中享用無限 5G 寬頻服務?之前 SmarTone / CMHK 曾經推出過類似的 Plan,一個月費包無限 5G 上網,但要配合華為、OPPO 或者中興的 Router,唔少網友表示,好難揀得落手。有無更加可靠、信得得過 的 5G Router + 6G 寬頻月費計劃  Bundle 呢?,有網絡商只需月費 $148,更限時送 Linksys 5G 手機網絡路由器,感覺幾抵玩!想知詳情,看下文吧!

唔用華為、中興、OPPO!網絡商 $148 5G 寬頻送 Linksys Router-0

3HK 宣佈推出免拉線的 5G 寬頻服務,客戶只需到 3Shop,即可透過智能系統,查詢住所覆蓋表現,於門市辦妥上台手續後 15 分鐘立即開通服務,一插即用。除了住所外,客戶更可於另一自選位置,享任用 5G 寬頻,另享 7 天試用保證。

5G 月費寬頻服務月費只需 $148,簽約 30 個月,現時於 3 門市 或用 Hotline 熱線申請上台,更限時送古天樂親筆簽名的限量 Linksys 5G WiFi 6 Router (建議零售價 $3499),雖然新聞稿上沒有寫明型號,不過經網上查過之後,相信應該是 Linksys FGW3000。

這類型家用座枱 Router 好處是,除了不用拉線,就係有更強勁嘅天線,就算放係室內,5G / 4G 台訊號,都比手機/Pocket WiFi 有更強嘅接收。而因為係真 Router,連發射 WiFi 訊號都比較強。唔係你用 5G 手機放 WiFi 可以媲美嘅。

此外,呢個 Linksys 支援 Lan 線輸出,最好用嚟直駁 Smart TV、盒子之類,令串流節目,如 Netfilx、Now E 等,效果更加佳。更重要是,Linksys 怎樣說也算是個美國品牌,雖然現時由鴻海旗下的 Belkin 擁有,但至少是對資安比較有保證嘅選擇。

對比起 SmarTone,雖然他們有提供類似的計劃,月費 $138,簽約 24 個月,但沒有送 Router,Router 需另行購買或者租用,一較之下,雖然 3HK 要簽 30 個月約,但感覺上會更加抵玩。網友又怎樣看呢?

唔用華為、中興、OPPO!網絡商 $148 5G 寬頻送 Linksys Router-1


唔用華為、中興、OPPO!網絡商 $148 5G 寬頻送 Linksys Router-2
您可能也喜歡▼