睇 MyTV SUPER = 俾大台狂 send 廣告俾你! 版主教你一招破解!

2016-03-15 12:45
之前同大家提過,3HK 會在今日 (15/3) 開始,免費派發 50000 張 SIM 卡,當中包括左 5GB 的 4G LTE 數據用量,以及 30 日任睇的 myTV SUPER 通行証,唔知大家有無去排隊呢? 與此同時,3HK 的「歡樂通宵」計劃亦於今日正式推出。由於版主是 3HK 用戶,所以只要在 4 月 17 日之前下載 myTV SUPER,就可以免費登記成為體驗會員,試睇一個月。本來係好興奮的,不過在登記 myTV SUPER 會員的過程中,發現原來登記都會爆私隱危機!點解咁講?即刻睇下文啦!

睇 MyTV SUPER  = 俾大台狂 send 廣告俾你!  版主教你一招破解!-0

免費試用 myTV SUPER,但老屈你入信用卡資料
版主今日第一時間要做的野,當然就係在手機上安裝番個 myTV SUPER 試下啦!下載完 myTV SUPER,打開個 App,第一件事要你做的,就是輸入 myTV SUPER 的「客戶號碼」以及「賬戶密碼」。咁如果你本身係 3HK 的客戶,你可以按這裡登入免費試用一個月,唔洗排隊拎 SIM 卡,仲可以揀埋「歡樂通宵」 plan 添。「歡樂通宵」係咩黎?如果大家唔記得,版主就簡單講解下,「歡樂通宵」其實即係讓客戶每日 11pm - 7am 無限數據上網 (無公平使用上限),而且數據用途不限,速度不低於 1Mbps,足以應付影片串流等需要,特別適合番夜更、做晨運或者清晨出門嘅用戶。

好啦,咁作為 3HK 的客戶,咁就登記成為體驗會員。點知一到左登記頁面......上面就寫住「立即免費試用 myTV SUPER 服務」,但下面就強制性要你輸入信用卡資料,咁唔入無得試,咁唯有聽聽話話,入番信用卡資料啦!呢點其實都已經有點不滿,其實最好的做法應該係,試用完之後先再決定入唔入信用卡資料,而家就變左一個月後佢就會自動扣你數,如果你唔想睇 myTV SUPER,就要記得 1 個月內 CUT 左佢,如果唔記得的話,就會每個月先收你 $68 (myTV SUPER 基本組合 + TVB 外購節目點播組合 + 「歡樂通宵」煲劇組合)。

睇 MyTV SUPER  = 俾大台狂 send 廣告俾你!  版主教你一招破解!-1  睇 MyTV SUPER  = 俾大台狂 send 廣告俾你!  版主教你一招破解!-2
▲ 咁首先你要到 3HK 的網頁登記免費試用 myTV SUPER 服務,如果你本身係 3HK 的客戶,可以輸入你的 3 客戶號碼,然後按下一步。之後你會見到有得選擇月費分別為 $58 以及 $68 的組合,呢兩個組合的分別在於,$68 果個多埋「歡樂通宵」plan。之後你就可以再按「下一步」。

睇 MyTV SUPER  = 俾大台狂 send 廣告俾你!  版主教你一招破解!-3  睇 MyTV SUPER  = 俾大台狂 send 廣告俾你!  版主教你一招破解!-4
▲ 咁你會見到,當你登記的時候,佢會強制性要你輸入信用卡資料,即係變相一個月後佢就會自動同你收錢,你要自行 Mark 低日子,在一個月內 CUT 左佢。

確認信寫明,和記同 TVB 會拎你的資料做促銷、宣傳
登記完之後,你就會收到一封「myTV SUPER 客戶同意書確認信」,寫住「閣下亦同意電視廣播互聯網使用   閣下於登記服務時提供予和記電話的個人資料及使用 myTV SUPER 服務的記錄作為促銷以下產品及服務......」,咁速銷咩野產品及服務,版主就唔提咁多,因為下面已經有哂圖,大家可以自己睇下。但簡單啲黎講,即係話你登記完之後,原來和記電訊以及 TVB 會利用你的個人資料,係咁 send 廣告俾你,而且佢地廣告個 range 都好闊,當中仲包括「金融及地產」、「教育」、「娛樂」等等,淨係收廣告都收到手殘。不過咁,雖然你已「同意」和記同 TVB 拎你資料做促銷、宣傳,但唔緊要,如果你真係唔希望俾大台狂 send 廣告俾你,版主教你一招:即刻打電話上熱線 2399-9666 要求停止接收資訊!呢點真係好重要,大家唔想被騷擾,就記得登記完即時做左呢個動作佢!而且再提多大家一次,如果試睇左,覺得無需要,記得要 1 個月內 CUT 左 myTV SUPER 佢,如果唔係到時自動收你錢就 GG 了!

睇 MyTV SUPER  = 俾大台狂 send 廣告俾你!  版主教你一招破解!-5

OTT 手機煲劇:myTV SUPER 相關連結
開台! myTV SUPER 你一定要知十五個間題
版主 5 步教你搶!3HK 五萬張免費 5GB 4G SIM 卡
谷客+谷收視 ! TVB + 3HK 聯手 3 月份大派 5GB 免費 SIM 卡
無限上網,變面回歸! 3 香港 推 4G 1Mbps 全月任用
MyTV SUPER 手機計劃登場! 月費 $39 起
力撐 MyTV SUPER! $148 月費包寬頻 + OTT + App 收費電視
光纖寬頻+無限Wi-Fi!「MyTV SUPER」寬頻組合平價登場!
比錢睇大台?學維基、挑樂視 ! TVB Mytv SUPER 月中登場 月費最平 $38
$38 十五條收費頻道任睇! 回答十個 MyTV SUPER 你要知嘅問題
睇 MyTV SUPER  = 俾大台狂 send 廣告俾你!  版主教你一招破解!

OTT 手機煲劇:NetFlix 使用天書
一個月費,美劇、電影任睇!Netflix 香港版正式啟動
Lycamobile 出動! 平 $13 兼睇有 House of Cards 嘅 Netflix
 

亞視永恒+新免費電視:ViuTV 四月開台

PCCW 推出 Viu OTT 視象服務! 樂視、myTV 有新對手了......
HKT 香港電訊 正式推出 4K OTT 視像內容服務
亞視提早停播! 睇晒八條 Q&A  要睇新免費電視 ViuTV 無難度
網友公投:ViuTV 同 TVB 大比拼! 你會揀睇邊台?
ViuTV 手機搶先看! 多套節目獨家追播! 並配上繁中字幕!
搶睇 ViuTV 新免費台! 網友必記三大日子
OTT 睇片 + 可錄影! NOW TV + 網上行推 all-in-one 4K 盒子!
您可能也喜歡▼