AirPods 殺手!降噪藍牙無線耳機到港開戰

Wilson Li 2017-06-01 21:41 | 數碼影音
坐飛機最驚係咩 ? 就係驚引擎聲太大嘈住訓唔著,商務艙有錢人就會配降噪耳機,我呢D窮學生當然坐經濟艙用住殘耳機啦,有無諗過坐飛機都可以自己用自己嘅降噪耳機,仲要唔洗跟住條線!Doppler Labs 喺香港發佈左一隻無線藍牙耳機,呢隻耳機絕對唔係普通貨色啦,有好多新穎嘅功能。

HereOne_Case.jpg

Doppler Labs 發佈左隻名為 Here One 無線藍牙耳機,使用左平衡電樞動鐵單元作至少我可以睇到佢的確落左唔少功夫落去,包括左近場感應 NFMI 技術,喺連接上更加穩定,音質有質素嘅保證,而且技術都會確保到左右耳聲聲話同步,此外耳機擁有輕觸功能,當有來電嘅時候只係按一下就可以接聽,按兩下時更可以啟動到 Google 或 Siri 等語音操作。

降噪技術

Doppler Labs Here One 另外一個特點係降噪技術,無論喺聽聲還是講是,都會利用降噪技術為不同環境作出不同調節,更加可以利用應用程式設計個人化嘅設定,個人化程式可以轉換不同模式,包括飛機降噪模式、辦公室模式等級,因應環境選擇性地提高、減少或消除環境聲音。應用程式更可以設定個人專屬設定,透過記錄左右耳嘅靈敏度,從而調節左右耳機聲道,加上內置達3個麥克風及數碼處理器,無論降噪還是收音,有一定能力應付。

Here-One-Product.jpg
▲可以使用個人化程式設定音量

最正就係耳機更支援 IPX5 防水,拎黎做運動應付雨水汗水綽綽有餘,加上長達2個小時連續播放,耳機盒更加係充電盒黎,拎黎出門係唔錯選擇。即日起可以於 truewireless.hk 預訂或在六月中旬各大零售商購買,顏色有黑白兩隻色,售價為港幣 2398 元。
 

最新新聞