大型戲院重現沙田!五個理由,住港島都要去 MOVIE TOWN 睇戲

2018-06-07 20:32
沙田 UA 係好耐之前係香港最多銀幕嘅電影院,但都係十幾廿年嘅事啦!當沙田新城市廣場戲院大樓拆掉之後,整個新界東,曾出現了得兩個銀幕,兩間影院的時代。事過境遷啦!沙田 UA 舊址已重建完成,全新由 MCL 院線營運嘅 MOVIE TOWN 原址營業了!版主今日去過,我可以講,就算你唔係新東居民,都值得去睇戲?點解?

大型戲院重現沙田!五個理由,住港島都要去 MOVIE TOWN 睇戲
 


001:手機訂票免手續費

之前媒體都有報導,在網上購物的年代,點解上網買戲飛仲要俾手續費?係沙田新城市廣場嘅 MOVIE TOWN,係可以免手續費係手機買飛!只要你申請成為「新城市廣場」VIP Club會員,並透過該商場嘅手機APP 購票,可豁免每張電影戲票港幣 10 元手續費。另外,新城市廣場 VIP Club會員可以積分兌換MOVIE DOLLAR,直接「MOVIE TOWN」購票時使用。
 

002:七個銀幕最多揀七套電影

今次 MOVIE TOWN 開幕,一開七個銀幕。三層共七間院共有 1700 個座位,平均一間都有二百個位。今日版主入過其中三間 House,都係樓梯級設計,座位闊度不錯,都唔算細間。

大型戲院重現沙田!五個理由,住港島都要去 MOVIE TOWN 睇戲
▲  MOVIE TOWN 地址就係以前沙田 UA 未變細個陣,係新城市廣場嘅戲院大樓。家陣變了三層電影院了。
 

003:試盡不同播放技術

去 MOVIE TOWN 睇戲,除了揀戲碼,你仲可以揀影院。點解咁講?因為 MOVIE TOWN 引入四種不同電影播放技術。

一間MX4D動感影院:座椅可多方向搖動,播放電影時,會有不同的 4D體感特效(掃頸、戳背、氣味、噴水、震動、彈跳、噴氣、掃腳、吹風、閃光、煙霧)。

全港首個 Samsung 4K 解像度 Onyx Cinema LED 影院。無投影機機影院,以 455 吋 4K 超高清解像度(4,096 x 2,160)LED 作屏幕,好處是支援 HDR,提供全彩色亮度和對比度,黑色特別黑,特別適合觀看比較黑調的電影。

大型戲院重現沙田!五個理由,住港島都要去 MOVIE TOWN 睇戲

全港第一個全制式RealD Cinema  3D 影院,採用RealD 終極銀幕,92%反射率令左右中間的觀眾都感受到最光亮,無鬼影嘅 3D 電影效果。

大型戲院重現沙田!五個理由,住港島都要去 MOVIE TOWN 睇戲
▲  其中一間 REAL D CINEMA 以最光亮,無重影的 3D 播放做賣點。

 House FX 採用 Dolby Atmos 全景聲音響、Buttkicker 系統震動座椅及 4K 超高清鐳射放映系統。版主試過,其不造作的震動座椅效果及全景聲音效,都令人睇戲睇得更投入。

大型戲院重現沙田!五個理由,住港島都要去 MOVIE TOWN 睇戲
▲  FX 影院,版主睇過屏幕都係十分之大,播放動作片時,更有座椅更有震動效果。

大型戲院重現沙田!五個理由,住港島都要去 MOVIE TOWN 睇戲
▲   FX 影院的座位分佈。

大型戲院重現沙田!五個理由,住港島都要去 MOVIE TOWN 睇戲
▲  座位距離都好闊。

大型戲院重現沙田!五個理由,住港島都要去 MOVIE TOWN 睇戲
 


004:睇戲有食神

MOVIE TOWN 的餐飲都很不錯。裡面小食店已不是只賣爆谷咁簡單,今次更是香港戲院首次引入中式北京填鴨捲餅與美式焗薯及蕃薯、意大利三文治 (Panini) 等美食,遲下更有港式門神手工啤酒、澳洲白酒及智利紅酒可即場購買。

大型戲院重現沙田!五個理由,住港島都要去 MOVIE TOWN 睇戲大型戲院重現沙田!五個理由,住港島都要去 MOVIE TOWN 睇戲
▲  芝士撻跟北京片皮鴨都好好食。
 

005:開幕有著數 Coupon

由即日至 6 月 11 日,於「MOVIE TOWN」售票處購買任何戲票,即可免費獲贈「MOVIE TOWN」限量收藏優惠卡;憑卡可享購買戲票高達 8 折、爆谷或汽水7折及新城市廣場指定 600 間門市有餐飲優惠,有效期去到 2019 年1 月 23 日,去到下年都有平價戲睇!

大型戲院重現沙田!五個理由,住港島都要去 MOVIE TOWN 睇戲
 
沙田 Movie Town  座位數目 (+輪椅) 票價 2D/3D(成年人正場)
House FX1 288 + 4 $100/$120
RealD 3D Cinema 263 + 4 $100/$125
3 院 326 + 4 $100/$120
House FX4 271 + 4  $100/$120
Onyx Cinema LED 251 + 4 $125
6 院 201 + 4 $100/120
MX4D House 102 + 4 $145/165
多謝支持 ePrice.HK