長氣 36 小時:Jabra Elite 85h 降噪耳機開箱試玩

2019-06-21 19:55
文章分享
Jabra 係年初發佈 Elite 85h 頭戴式耳機,最大特點係 AI 降噪性能,以及超長 36 小時連續播放能力。Jabra 推出呢款耳機的目標非常清晰:長氣 + ANC 降噪。本 YK 立刻為大家開箱試玩! 先透露一下用後感:降噪效果出乎意料之好,長續行力適合遠程飛行人士,如果作為一隻平日上下班交通用耳機,聽歌睇片效果非常好!

長氣 36 小時:Jabra Elite 85h 降噪耳機開箱試玩

正式開箱!
Elite 85h 最大賣點當然係 ANC 降噪開啟後都可以擁有長達 36 小時的播放時間,如果唔開 ANC 的話,官方聲稱播放時間可以達到 41 小時! 除此之外,支持藍牙 5.0 制式 / 3.5mm jack 雙連接、採用 USB-C 充電口、兩年防塵抗雨保養,本 YK 認為已經係基本野,更不用講抗風切、八個獨立 MIC 偵測收音、支援手機語音助手等功能。

長氣 36 小時:Jabra Elite 85h 降噪耳機開箱試玩
▲ 包裝盒「黃 + 灰」,是一貫的 Jabra 風格,而 Elite 85h 的外觀個人認為係少數好睇的頭戴式藍牙耳機。

長氣 36 小時:Jabra Elite 85h 降噪耳機開箱試玩
▲ 盒背列出六個官方認為是賣點的資料:例如主動式 ANC 降噪、自主 EQ 調整、36 小時續航、八咪收音、語音助手以及兩年防塵抗雨保養。

長氣 36 小時:Jabra Elite 85h 降噪耳機開箱試玩
▲ 右下角有一個很重要的資訊,強烈建議下載最新的 Jabra Sound+ 應用程式,稍後講解原因。

長氣 36 小時:Jabra Elite 85h 降噪耳機開箱試玩
▲ 拆左個外殼仲有個內硬盒,全黃色非常亮眼。

長氣 36 小時:Jabra Elite 85h 降噪耳機開箱試玩
​▲ 打開黃盒又有個藍盒,應該係耳機保護盒;左邊是非常重要的簡單說明。

長氣 36 小時:Jabra Elite 85h 降噪耳機開箱試玩
​▲ 因為 Elite 85h 的開關係無獨立開關,只要你扭動耳機準備聽歌,佢就會自動通電 Standby 連接裝置。

長氣 36 小時:Jabra Elite 85h 降噪耳機開箱試玩
​▲ 耳機保護硬殼盒表面印有 Jabra 字樣,表面手感模仿真皮觸感(我估應該唔係真皮)柔軟舒服。

長氣 36 小時:Jabra Elite 85h 降噪耳機開箱試玩
​▲ 採用常見的拉鍊方式開合,拉動順暢比市面上見到的質素都要好。

長氣 36 小時:Jabra Elite 85h 降噪耳機開箱試玩
​▲ 仲有一條手繩比你吊住個盒,設計算細心。

長氣 36 小時:Jabra Elite 85h 降噪耳機開箱試玩
​▲ 經歷重重難關,終於見到 Elite 85h 真身! 本 YK 手上的是軍藍色,聽說還有鈦黑、米鉑兩種色。

長氣 36 小時:Jabra Elite 85h 降噪耳機開箱試玩
​▲ 隨機附送一個飛機頭。

長氣 36 小時:Jabra Elite 85h 降噪耳機開箱試玩
​▲ 另外有 3.5mm jack 線,以及一條 USB-C 充電線。


耳機外觀
Elite 85h 是一款頭戴式藍牙耳機,採用 40 mm 口徑驅動單元,亦支持 on-ear 偵測(戴上去會自動播歌),8 個 MIC 獨立收音,其中 6 個用於通話,4 個用於 ANC 降噪,最後 2 個混合用於通話 / ANC 降噪。降噪耳機唔係滅聲耳機,佢只係盡量將外面的噪音,利用主動式偵測生產反向聲波進行消除,一般對付飛機、地鐵、巴士等會產生較為固定頻率的噪音

長氣 36 小時:Jabra Elite 85h 降噪耳機開箱試玩
​▲ 耳機外殼用上類帆布質感物料,好處係唔容易積聚指紋油污。

長氣 36 小時:Jabra Elite 85h 降噪耳機開箱試玩
​▲ 金屬鉸位大面積外露,有做磨砂工序,可以增強表面的耐用度。

長氣 36 小時:Jabra Elite 85h 降噪耳機開箱試玩
​▲ 耳罩棉位置採用軟熟的仿皮 PU 物料,佩戴時沒有生硬的感覺。

長氣 36 小時:Jabra Elite 85h 降噪耳機開箱試玩
​▲ 綿綿的質感似軟膠,戴上頭唔會有明顯的悶熱感。

長氣 36 小時:Jabra Elite 85h 降噪耳機開箱試玩
​▲ 耳罩裡面有足夠的空間比我呢類「厚耳人」放置耳朵,避免造成不必要的壓迫感。

長氣 36 小時:Jabra Elite 85h 降噪耳機開箱試玩
​▲ 金屬 + 塑膠 + 牛仔布的配搭並非首見,但 Elite 85h 的混搭風格確實深得本 YK 歡心。

長氣 36 小時:Jabra Elite 85h 降噪耳機開箱試玩
​▲ Jabra 把按鈕設計都隱藏得不錯:凸點的部分係功能按鍵,一般用作音量增減;凹下的部分也是功能按鍵,第一次裝置連接藍牙就用著佢。

長氣 36 小時:Jabra Elite 85h 降噪耳機開箱試玩
​▲ 左邊有 ANC 開關、右邊有靜音鍵、3.5mm 接口、USB-C 充電頭;而 Elite 85h 係可以一邊充電一邊播歌!

長氣 36 小時:Jabra Elite 85h 降噪耳機開箱試玩​▲ ​▲ 扭動耳機就立刻開機,綠燈開動!


Jabra Sound+ 多功能應用
如果有用過藍牙耳機的朋友都應該知道,旗艦級的耳機都係需要配合手機 App 先可以發揮最大的功能,Elite 85h 都不例外。不論是 iOS / Android 平台都可以下載 Jabra Sound+ 應用程式,安裝後會獲得 SmartSound、個人化音效等功能。

長氣 36 小時:Jabra Elite 85h 降噪耳機開箱試玩
​▲ 個 App 就好似說明書咁,一步一步教你如何用個耳機。

長氣 36 小時:Jabra Elite 85h 降噪耳機開箱試玩
​▲ 呢張圖清楚講嗮耳機上每一個按鈕的功能係乜,長按和短按都有不同。

長氣 36 小時:Jabra Elite 85h 降噪耳機開箱試玩
​▲ 第一個模式係「我的情景」,其實係比你自己設定想要的野,例如呢個情景下是否需要 ANC 功能,而 EQ 設定又係點樣。

長氣 36 小時:Jabra Elite 85h 降噪耳機開箱試玩
​▲ 預設的通勤模式,會打開 ANC 降噪功能,你都可以選擇 Preset 的 EQ Profile。 

長氣 36 小時:Jabra Elite 85h 降噪耳機開箱試玩
​▲ 聽歌時如果需要聽外界的廣播、公告之類,可以切換到公共場所,耳機會增強收聽環境聲,也就是一般所說的 「Hear Through」功能。

長氣 36 小時:Jabra Elite 85h 降噪耳機開箱試玩
​▲ 如果你係一個安靜的環境,例如自己屋企、會所、圖書館之類,唔開 ANC 降噪就可以增強播放續航力。

長氣 36 小時:Jabra Elite 85h 降噪耳機開箱試玩
​▲ 你可以透過下拉式狀態欄,幾時切換各種情景。

長氣 36 小時:Jabra Elite 85h 降噪耳機開箱試玩
​▲ 呢個 SmartSound 功能個人覺得作用不大,佢係利用 AI 識別出你身處的環境,然後自動套用各種情況。 但如果你好似本 YK 咁喜歡長期開 ANC 降噪,咁一個情景搞掂~

長氣 36 小時:Jabra Elite 85h 降噪耳機開箱試玩
​▲ 呢個我反而覺得使用,可以自動接聽電話、自動恢復播放。


一週使用體驗分享
首次上手 Elite 85h,質感確實很好,佩戴算舒服,畢竟頭戴式耳機我未見有一款完全不悶熱。一般我建議室內有冷氣地方使用,包括巴士、地鐵等。 重量 296g 對我來說沒什麼感覺,每一次都係上班、下班大約共 4 小時的交通航程。週末會跑到咖啡室聽住歌寫文,或者走到圖書館一路聽 Classic 一路睇書。 基本上全程都是開住 ANC 降噪功能,所以 36 小時的續航力,毫無疑問足夠本 YK「一週一充」的使用習慣。

相信不少網友都很有興趣知道 Elite 85h 跟其他廠的對手相比,聽歌效果到底如何? 我以 S 記和 B 記的同類耳機做比較,單純比較降噪能力,B 記是消得最自然,S 記係強力消,而 Elite 85h 效果稍弱,但差距不大;S 記降噪開啟下的音樂播放表現最佳,得益於高質的藍牙傳輸協定(aptX 和 LDAC);而 Elite 85h 降噪能力稍比對手弱,令我驚訝的是 Elite 85h 只支持 SBC 協定(連 AAC 都沒有),但戶外播放音樂的表現比 B 記好。

S 記定價兩千尾,B 記都兩千中後,而目前 Elite 85h 的建議零售價為 2339 元,本 YK 認為定價稍微進取。參考對手減價幅度,如果回落到 2000 元左右,Elite 85h 毫無疑問會係同價位內的首選。

結論:Jabra Elite 85h 在續航力上有著絕對優勢,而外觀和佩戴舒適度都非常好,配合自家 App 的各種功能,很適合上下班交通聽歌之用。
文章分享
您可能也喜歡▼